Nico Braun

Vu Wikipedia
Wiesselen op: Navigatioun, sichen

Den Nico Braun, gebuer de 26. Oktober 1950 an der Stad Lëtzebuerg, ass ee fréiere lëtzebuergesche Foussball-Nationalspiller.[1]

No sengem Debut zu Lëtzebuerg ass hien an d'Bundesliga spille gaangen, an zwar bei Schalke 04. Duerno goung hien op Metz bei den Éischtdivisiounsclub FC Metz, wou hie Stiermer war. Hien huet do a fënnef Joer an an 170 Matcher 98 Goler geschoss (dat bescht wat Metz bis elo hat). Während zwou Saisonen huet hie mam Argentinier Hugo Curioni een efficacen Duo am Stuerm gemaach. Déi zwéi kruten de Spëtznumm les artilleurs de Metz.

Tëscht dem 16. Abrëll 1970 an dem 26. Mäerz 1980 huet hien a 40 Matcher fir déi lëtzebuergesch Foussballnationalequipe 9 Goler geschoss.[2]

Zum Schluss vu senger Carrière huet hie beim Charleroi SC gespillt.

Referenzen[Quelltext änneren]

  1. Den Nico Braun op der Websäit vun der Football Database.eu
  2. D'Lëscht vun de Lännermatcher vum Nico Braun op der Websäit vun European Football