Noutemerbaach

Vu Wikipedia
Op d'Navigatioun wiesselen Op d'Siche wiesselen
D'Noutemerbaach an Direktioun Grendel gekuckt

D'Noutemerbaach (fr: Nothomb) ass eng Baach zu Lëtzebuerg am Kanton Réiden, an am Arelerland an der belscher Provënz Lëtzebuerg.

D'Baach huet hir Quellen an zwou Griechten op den Hänk vum Jongebësch op enger Héicht vu ronn 470 Meter nërdlech vun Holz a leeft vun do aus no Süden, bis op déi belsch Grenz wou se bei der Gossemaark L.B.149 am Frettelburbësch an d'Belsch leeft. Op hirem Wee dohi leeft bei der Bréck vum CR312 vu riets d'Reebich dran. Si leeft dann an engem schmuelen Dall tëscht Bëscher, weider bis op Noutem, wou kuerz virun der Uertschaft d'Lamich draleeft.

Hanner Noutem gëtt den Dall méi breet, a si leeft dann haaptsächlech duerch eng Wiselandschaft weider bis op Grendel fir dann ënner dem Wee, dee vu Grendel op Kolpech féiert, erduercht ze lafen, a ronn 320 Meter duerno hiert Waasser op enger Héicht vun 290 Meter an d'Atert ze schëdden.

D'Noutemerbaach ass ronn 9 km laang, dovun 2,4 km op Lëtzebuerger Terrain.

Den Dall vun der Noutemerbaach südlech vun Noutem. Lénks am Bild den ëstlechen Deel vun Noutem

Um Spaweck[änneren | Quelltext änneren]

Commons: Noutemerbaach – Biller, Videoen oder Audiodateien