Nuddel
Nuddele sinn Deegwueren aus gedréchentem Mieldeeg, deen net opgaangen ass; mat oder ouni Eeër oder soss Zousätz (Ueleg, püréiert Tomaten oder Spinat,...), a Form vu méi oder manner breede Bänner, Zylinderen, Réier oder dovun ofgeleete Formen, an déi gekacht ginn, fir se z'iessen.
Deemno gehéieren a contrario Deegwueren déi sech net dréchne loossen (Ravioli, etc.) gradewéi déi aus anerem Deeg (Gnocchi, etc.) definitiv net dozou.
D'Wuert Nuddel kënnt vu Kniddel an ass domat en Deel vum grousse Stamm vu lëtzebuergesche Wierder, déi mam Ufankslaut kn- eng Verdéckung ausdrécken (Knuet, Knapp, Knujel, etc.).
Et fënnt sech erëm am Däitschen als Nudel (zanter 1550), am Engleschen als noodle (zanter 1779), an am Franséischen als éischt als noudle oder nudeln (1765) an duerno als nouilles (zanter 1767).
Déi wuel meescht Nuddelvariante gëtt et an der italieenescher Kichen.
Nuddelen ënnerscheede sech haaptsächlech duerch hir Form a manner duerch hir Bestanddeeler. Et ass d'Form déi d'Haapteegeschafte festleet, wéi d'Kachzäit, d'Kapazitéit fir Zooss opzehuelen, an d'Facilitéit mat där ee se iesse kann.
Nuddelzorten
[änneren | Quelltext änneren]Ficellen
[änneren | Quelltext änneren]| Bild | Typ | Beschreiwung | Iwwersetzung |
|---|---|---|---|
 |
Spaghetti | dënn Stief | kleng Schnéier |
 |
Vermicelli | ganz dënn Stief | kleng Wierm |
Bandnuddelen
[änneren | Quelltext änneren]| Bild | Typ | Beschreiwung | Iwwersetzung |
|---|---|---|---|
 |
Fettuccine | Band vun ongeféier 6 - 8 mm Breet | kleng Bänner |
 |
Lasagne | ganz breet Deegplacken | Den Numm kënnt vum Dëppen an deem den Deeg gebak gouf |
 |
Linguine | laang ellipsefërmeg bal wéi Spaghetti | kleng Zongen |
 |
Tagliatelle | méi e breet Band wéi d'Fettuccine bis 10 mm | kleng Geschniddener |
Huel Nuddelen
[änneren | Quelltext änneren]| Bild | Typ | Beschreiwung | Iwwersetzung |
|---|---|---|---|
 |
Bucatini | huel Spaghetti | kleng Lächer |
 |
Macaroni | gebéit kleng Tüben | |
 |
Penne | mëttelgrouss Tüben, mat den Enner diagonal ofgeschnidden | wuertwiertlech "Plommen", well se den Enner vun de Gänseplomme gläichen |
 |
Rigatoni | grouss längelzeg geriffelt Tüben, riicht ofgeschnidden | gerillt |
Kleng Nuddelen
[änneren | Quelltext änneren]| Bild | Typ | Beschreiwung | Iwwersetzung |
|---|---|---|---|
 |
Farfalle | a Form vun enger Méck oder engem Päiperlek | Päiperlek |
 |
Fusilli | Spiralen | Gewierer |
 |
Orecchiette | a Form vu klengen Oueren | kleng Oueren |
 |
Strozzapreti | onreegelméisseg gerullt | Paschtouerwierger |
Soss Formen
[änneren | Quelltext änneren]| Bild | Typ | Beschreiwung | Iwwersetzung |
|---|---|---|---|
 |
Buschtawen | a Form vu Buschtawe vum Alphabet |
Kuckt och
[änneren | Quelltext änneren]Um Spaweck
[änneren | Quelltext änneren] |
Commons: Nuddelen – Biller, Videoen oder Audiodateien |