Parisii

Vu Wikipedia
Wiesselen op: Navigatioun, sichen
Goldmënz vun de Parisii, zirka 100-50 v. Chr.,
Musée Carnavalet, NM 4

D'Parisii waren e keltesche Stamm aus der Eisenzäit, dee bis zu der Zäit vum réimeschen Imperium um Bord vun der Seine gelieft huet. Hir gréisst Stad (Oppidum) war Lutetia Parisiorum, déi ënner de Réimer - ënner dem Numm Lutetia - e wichtegt Zentrum vun dëser Regioun ginn ass. Heiraus ass spéider d'Stad Paräis entstanen.

Während dem Galliefeldzuch vum Julius Caesar (De Bello Gallico) hunn d'Parisii un der Säit vum Vercingetorix géint d'réimesch Eruewerer gekämpft. Et ass méiglech, datt verschiddener vun hinnen no der Néierlag a Britannien geflücht sinn. Méi wahrscheinlech ass et allerdéngs, datt si scho virdrun, während der belscher Immigratioun iwwer d'Mier ausgewandert sinn.

D'réimesch-britesch Parisii-Stämm an der Géigend vun Ost Yorkshire an Humberside a Britannien stame mat grousser Sécherheet vum keltesche Stamm of.

D'Begriefnisritualer vu béide Stämm ënnerscheede sech nëmme minimal, an d'Arras Kultur, déi ronderëm East Yorkshire an der fréier La-Tène-Zäit gewunnt huet, weist eendeiteg kontinental Aflëss. Begriefnisser, bei deenen de Verstuerwenen an e Gefier nieft eng quadratesch Schubkar geluecht gouf, goufen a béide Regioune fonnt.

Literatur zum Thema[änneren | Quelltext änneren]

  • Venceslas Kruta, Les Celtes, histoire et dictionnaire, Robert Laffont, Paräis.

Um Spaweck[änneren | Quelltext änneren]

Commons: Parisii – Biller, Videoen oder Audiodateien
Wikisource: De Bello Gallico – Quellentexter
Paris-metropolitan-area-symbol.png Portal vu Paräis – All d'Artikelen op dëser Wikipedia iwwer Paräis.