Park Belval

Vu Wikipedia
Op d'Navigatioun wiesselen Op d'Siche wiesselen
De Parc Belval an der Maach, 2013.
De Parc Belval, laanscht d'Waassertrap
De Parc Belval an der Maach, 2013.

De Park Belval ass en ëffentlechen Natur- a Fräizäitpark deen am Hierscht 2014 ageweit gouf. E läit um Terrain vun der Gemeng Suessem.[1]

Et ass en Deel vum Quartier Belval, huet eng Fläch vun am Ganze ronn 20 Hektar a besteet aus dräi Deeler: dem Park Belval Süd (9,86 ha), dem Park Belval Nord (7,95 ha) an der Waassertrap (2,08 ha).[1]

De Park Belval ass a verschidde Beräicher, sougenannt Themegäert, wou ee sech ausrouen oder och spille kann, agedeelt.

Et gëtt Infrastrukture fir Foussball, Volleyball oder Streetball ze spillen, souwéi och e Skatepark an e Kiosk mat Sonnenterrass. De 700 m² grousse Skatepark ass am Juni 2012 fir de Public opgaangen.[2]

Architektebüroe sinn Elyps (NL) an Agence Ter (F/D).

Referenzen[Quelltext änneren]

  1. 1,0 1,1 Kaart vum Park Belval
  2. Belval in der Hand von Skatern op wort.lu vum 10. Juni 2012