Paul Kutter
| Paul Kutter | |
|---|---|
| Gebuer | 5. Oktober 1863 |
| Gestuerwen |
15. Mäerz 1937 Lëtzebuerg |
| Nationalitéit | Schwäiz, Lëtzebuerg |
| Aktivitéit | Fotograf |
| Famill | |
| Kanner | Édouard Kutter, Joseph Kutter |
 | |
De Paul Robert Kutter, gebuer de 5. Oktober 1863 zu Flums (Sankt-Gallen), a gestuerwen de 15. Mäerz 1937 an der Stad Lëtzebuerg, war e Schwäizer-lëtzebuergesche Fotograf.
1883 huet hien op Nummer 6 an der Rue Wiltheim an der Stad Lëtzebuerg e Fotostudio opgemaach. 1904 huet hie säi Geschäft op 3, rue du Génie (haut Avenue Monterey) geplënnert, wou de Charles Bernhoeft bis 1903 als Fotograf geschafft huet.[1] Eng Zäit laang gouf et och eng Succursale zu Déifferdeng.
De Paul Kutter war de Papp vum Edouard Kutter (1887–1978) an dem Bernard Kutter (1889–1961), déi allenzwéin och Fotografe waren; dem Moler Joseph Kutter (1894–1941), dem Paul Kutter jr. (1899-1941) an der Catherine Kutter (1891–1958). Den Edouard, wéi och deem säi Jong, deen och Edouard heescht, hunn de Fotosatelier nom Paul Kutter sengem Doud virugefouert.[1]
D'Fotothéik vun der Stad Lëtzebuerg versuergt Fotoe vum Paul Kutter.
Um Spaweck
[änneren | Quelltext änneren]| Commons: Paul Kutter – Biller, Videoen oder Audiodateien |
Referenzen
[Quelltext änneren]- ↑ 1,0 1,1 René Clesse, "Geschichtsschreibung mit der Kamera: Die ersten Photographen unserer Hauptstadt". Ons stad Nr 45, 1994, S.6-12. Gelies de 26. November 2010.