Philip, Duke of Edinburgh

Vu Wikipedia
Wiesselen op: Navigatioun, sichen
De Prince Philip, Duke of Edinburgh (2015)

HRH, de Prince Philip, Duke of Edinburgh, gebuer 28. Meejul./ 10. Juni 1921greg. am Schlass Mon Repos, op Korfu, als Prënz Philipp vu Griicheland an Dänemark[1], ass de Prënz-Consort vun der britescher Kinnigin Elisabeth II.

Hien ass dat jéngst vu 5 Kanner vum Prënz Andreas vu Griicheland an Dänemark an der Prinzessin Alice vu Battenberg. Seng Kandheet huet hien, no engem Militärputsch, bei senger Mamm zu Paräis verbruecht. Seng Eltere ware getrennt, a seng Mamm hat psychesch Problemer, sou datt hien an de Joren dono bei verschiddene Familljememberen opgewuess ass. Während dem Zweete Weltkrich goung hie bei d'Royal Navy an huet 1947 déi britesch Nationalitéit ugeholl, an huet och säin Numm vu Schleswig-Holstein-Sonderburg-Glücksburg a Mountbatten ëmännere gelooss an op den Titel Prënz vu Griicheland an Dänemark verzicht.

Den 20. November 1947 huet hien déi deemoleg britesch Prinzessin an Throunfolgerin Elizabeth bestuet.

Wéinst senger militärescher Carrière an dem Status vu senger Fra huet hien eng ganz Rëtsch militäresch Graden: Lord High Admiral vum Vereenegte Kinnekräich, Admiral of the Fleet]] (Groussadmirol) vun der Royal Navy, Field Marshal (Feldmarschall) vun der British Army a Marshal of the Royal Air Force (Loftmarschall ) vun der Royal Air Force.

Hien ass och Member vum Savage Club a bei de Fräimaurer.

An de Medie gi seng geleeëntlech net ëmmer politesch korrekt Aussoen bei offiziellen Optrëtter gär erëmginn a kommentéiert.

Hien huet mat der Kinnigin Elizabeth 4 Kanner:

Säi kompletten Titel ass His Royal Highness The Prince Philip, Duke of Edinburgh, Earl of Merioneth and Baron Greenwich, Royal Knight of the Most Noble Order of the Garter, Extra Knight of the Most Ancient and Most Noble Order of the Thistle, Member of the Order of Merit, Grand Master and First and Principal Knight of the Most Excellent Order of the British Empire, Knight of the Order of Australia, Companion of the Queen's Service Order, Lord of Her Majesty's Most Honourable Privy Council, Member of Her Majesty's Privy Council for Canada.

Soss[änneren | Quelltext änneren]

D'Prënz-Philip-Bewegung ass e Cargo-Kult vun de Leit vum Duerf Yaohnanen op der Insel Tanna, déi zu Vanuatu gehéiert. Dëse Kult veneréiert de Prënz Philip als eng Gottheet.

Um Spaweck[änneren | Quelltext änneren]

Commons: Prënz Philip – Biller, Videoen oder Audiodateien

Referenzen[Quelltext änneren]

  1. Official website of the British monarchy