Pierre Droessaert
| Pierre Droessaert | |
|---|---|
| Gebuertsnumm | Peter Léon Franz Droessaert |
| Gebuer |
30. Dezember 1923 Lëtzebuerg |
| Gestuerwen |
31. Dezember 1997 Lëtzebuerg |
| Nationalitéit | Lëtzebuerg |
| Aktivitéit | Moler |
| Member vun | Cercle artistique de Luxembourg |
 | |
De Pierre Droessart, gebuer den 30. Dezember 1923 an der Stad Lëtzebuerg, ass Moler, deen och am Modelage schafft.
Liewen
No senger Primärschoul zu Bouneweg ass hien an de Kolléisch gaangen, duerno an de Stater Jongelycée, huet awer säin Ofschloss am Kolléisch gemaach.
1943 gouf hien zwangsrekrutéiert, konnt sech awer 1944 erëm op Lëtzebuerg duerchschloen.
Am Abrëll 1945 hie sech an zu Paräis an der "École nationale supérieure des beaux-arts" ageschriwwen a parallel dozou a Coursen am "Institut d'art et d'archéologie" gaangen. 1948 goung hien op Lëtzebuerg zeréck an huet säi Stage pédagogique am Lycée de jeunes filles an am Lycée de garçons gemaach. 1953 huet hie sech mat der Musekerin Marianne Bintner bestuet. Si hunn 3 Kanner.
Bis zu senger Pensioun 1986 huet de Pierre Droessart als Zeecheprofesser am Escher Jongelycée an am Stater Kolléisch geschafft.
Wierker
De Pierre Droessart ass bekannt fir seng Portraiten, seng Landschaften a seng "Natures mortes".
Den Entworf fir den Aadler um Patton-Monument zu Ettelbréck ass vum Pierre Droessart[1].
Gielercher
- Commandeur vum Ordre de Mérite du Grand-Duché de Luxembourg (Promotioun 1979)[2]
Quell
- Nelly Lecomte: "Liberté. je te nomme..."(Aragon) Portrait du peintre Pierre Droessart, in: nos cahiers Lëtzebuerger Zäitschrëft fir Kultur, 1993/2
- Anthologie des Arts au Luxembourg, Éditions Borschette, 1992
Referenzen
- ↑ Informatiounspanneau um Patton-Square zu Ettelbréck
- ↑ Ordensverleihungen für das Professoren- und Lehrkorps am Luxemburger Wort vum 25. Juni 1979 op der Säit 6 op eluxemburgensia.lu gekuckt den 2. November 2022