Prinzessin vu Schengen
| Prinzessin vu Schengen | |
|---|---|
.jpg) | |
| Gebuer | 1. Joerdausend v. Ch. |
| Gestuerwen | 1. Joerdausend v. Ch. |
| Aktivitéit | onbekannt |
 | |
Als Prinzessin vu Schengen oder och nach Madamm vum Baggerweier gëtt eng Fra bezeechent déi an engem ca. 2500 Joer ale Graf um Uwänner vun der Musel, tëscht Schengen a Rëmerschen begruewe war an där hiert Graf 1995 entdeckt gouf.
Si gouf am Graf Nummer 17 fonnt, eent vu fënnef Kierpergriewer, déi d'Archeologen an de Joren no 1995 ënnersicht hunn. Et war eng Nekropol, e Kierfecht aus der Keltenzäit. Vun der Fra hirem Kierper goufe just véier Zänn fonnt, de Rescht vum Kierper war vum sauere Buedem opgeléist ginn. Am Graf goufen och eng Rëtsch Bijoue fonnt, ë. a. bronze Braceleten, keltesch Collieren, eng ziseléiert dräieckeg Plack, zwou Kleederspéngelen (Fibelen) mat Vullekäpp a fei verschafft, iwwerdimensional Reefer, déi d'Fra lénks a riets um Kapp gedroen huet.
De Foni Le Brun-Ricalens, Chargé de direction am Nationale Fuerschungszenter fir Archeologie, deen d'Ausgruewungen deemools geleet huet, ass zur Conclusioun komm, datt et sech ëm eng räich a mächteg Fra gehandelt muss hunn, déi eng bedeitend Plaz an der Gesellschaft hat. Et kéint sech ëm eng keltesch Herrscherin gehandelt hunn.
D'Bijouen an dat rekonstruéiert Graf ware vun Enn 2018 bis Mee 2019 am Biodiversum - Centre Camille Gira zu Rëmerschen ausgestallt.
Biller
[änneren | Quelltext änneren]-
Rekonstruktioun vum Graf 17 -
Replicke vun de Bijouen
.jpg)
.jpg)
Um Spaweck
[änneren | Quelltext änneren]| Commons: Prinzessin vu Schengen – Biller, Videoen oder Audiodateien |
- Madamm vum Baggerweier oder Prinzessin vu Schengen? Reportage op rtl.lu de 5. Dezember 2018
- Nott iwwer d'Ausstellung La princesse de Schengen op environnement.public.lu, fir d'lescht gekuckt de 5. Dezember 2018
- Daniel Conrad, Mit der "Dame" auf Zeitreise, op wort.lu den 12. Januar 2019
Literatur
[änneren | Quelltext änneren]- Daniel Conrad, „Edles Geschmeide als historischer Schlüssel“ am Luxemburger Wort vum 12. Januar 2019, Säit 16
Referenzen an Notten
[Quelltext änneren]- Quell wou net anescht uginn: Reportage op rtl.lu de 5. Dezember 2018 (kuckt Um Spaweck)