Referendum vum 28. September 1919 iwwer de Statut vum Land
De Referendum vum 28. September 1919 iwwer de Statut vum Land war e Referendum zu Lëtzebuerg, deen zesumme mam deem iwwer eng Wirtschaftsunioun op deem Dag ofgehale gouf.
Nom Éischte Weltkrich hat d'Lëtzebuerger Land, dat an enger déiwer politesch-moralescher Kris war, et och nach mat glëschteregen Noperen ze dinn, déi sech de Lëtzebuerger Territoire - direkt oder indirekt - wollten uneegnen.
Den 12. Mäerz 1919 huet d'Chamber mat 30 géint 20 Stëmme (d'Sozialisten an déi Liberal) beschloss, e Referendum iwwer déi zukünfteg Staatsform ofzehalen.
Innepolitesch ass et am Fong drëm gaangen, ob d'Lëtzebuerger d'Monarchie wéilte bäibehalen oder léiwer eng Republik wéilten.
Bei der Dynastie stoung zur Auswiel, ob déi nei Groussherzogin Charlotte soll bäibehale ginn, déi de 15. Januar 1919 op den Troun komm war, nodeems hir Sëschter Marie-Adélaïde vu Lëtzebuerg ofgedankt hat; oder awer ob eng aner aus hirer Dynastie an hir Plaz soll kommen; oder eng nei Dynastie un d'Spëtzt vum Land soll kommen.
Resultat
[änneren | Quelltext änneren]| Choix | Stëmmen | % |
|---|---|---|
| Fir d'Groussherzogin Charlotte | 66.811 | 77,8 |
| Fir d'Republik | 16.885 | 19,7 |
| Fir eng Monarchie ënner enger anerer Groussherzogin | 1.286 | 1,5 |
| Fir eng Monarchie ënner enger anerer Dynastie | 889 | 1,0 |
| Ongëlteg/wäiss Ziedelen | 5.113 | – |
| Total | 90.984 | 100 |
| Zuel vun den agedroene Wieler/gëlteg Stëmmen | 126.193 | 72,1 |
| Quell: Nohlen & Stöver | ||
Kuckt och
[änneren | Quelltext änneren]Um Spaweck
[änneren | Quelltext änneren]- Loi du 3 avril 1919, portant institution d'un référendum sur la question dynastique et sur la forme de l'Etat
- Arrêté grand-ducal du 10 avril 1910, pris en exécution de la loi du 3 avril 1919, portant institution d'un référendum sur la question dynastique et sur la forme de l'Etat
- Arrêté du 13 septembre 1919, portant fixation du jour où auront lieu le referendum politique prévu par la loi du 3 avril 1919 et le référendum économique institué par la loi du 4 juillet 1919
- Arrêté grand-ducal du 19 septembre 1919, pris en exécution des lois des 3 avril et 4 juillet 1919 portant institution d'un referendum sur la question dynastique et sur la forme de l'État, ainsi que sur l'union économique à conclure par le pays