Schlass Gerlache
 De Pavillon beim Gerlache-Park, dat eenzegt dat vum Schlass iwwereg bliwwen ass | |
| Land | Lëtzebuerg |
|---|---|
| Gemeng | Déifferdeng |
| Datum vum Bau | 16. Joerhonnert |
| Ofgerappt oder zerstéiert | 1920er |
| Proprietär | Alexandre de Gerlache |
| Genannt no | Alexandre de Gerlache |
 | |
D'Schlass Gerlache zu Déifferdeng gouf am 16. Joerhonnert gebaut. Säin Numm huet et vum virleschte Proprietär, dem Alexandre de Gerlache, deen do mat senger Famill gewunnt huet.
Wéi d'Faillite vu senger Gesellschaft, der Société anonyme des hauts-fourneaux de Differdange, där d'Déifferdenger Schmelz gehéiert huet, e gezwongen huet, säi Besëtz no an no ze verkafen, ass den de Gerlache op Bréissel geplënnert. D'Schlass stoung du sou gutt wéi eidel a gouf am Éischte Weltkrich vun däitschen, duerno vun US-amerikaneschen Truppe benotzt.
An den 1920er Joren huet d'Déifferdenger Gemeng d'Schlass mat senge Lännereien opkaf. D'Gebai gouf ofgerappt, d'Hallschent vun den 1,7 ha grousse Lännereie gouf urbaniséiert a bebaut, de Rescht gouf an e Park, de Park Gerlache, transforméiert.
Ausser e puer ale Beem ass just nach e Pavillon, deen zum Schlass gehéiert hat, erhalen.