Sleepwalk

Vu Wikipedia
Op d'Navigatioun wiesselen Op d'Siche wiesselen
Sleepwalk
Genre: Rock, Pop
Land: Flag of Luxembourg.svg Lëtzebuerg
Grënnung: 1993
Trennung: 1998
Websäit: Facebook
Memberen
Gesank, Bass, Gittar Mich Mangen
Batterie Claude Melchior
Gittar Lex Besenius
1994-1998
Perkussioun: Sandro Dimola
1995-1996
Gesank Larry Bonifas
1995-1997
Gesank Geneviève Joly
1997
Rap: Carlos Matos
1997-1998
Batterie: Patrick Kessels
1998

Sleepwalk war eng lëtzebuergesch Rockgrupp, déi tëscht 1993 an 1998 existéiert huet. Hiert bekanntst Stéck ass d'Lidd Firwat?.

Bandgeschicht[änneren | Quelltext änneren]

Sleepwalk gouf am Mäerz 1993 vum Mich Mangen (Gesank, Batterie a Gittar) a vum Claude Melchior (Batterie) am Norde vum Land gegrënnt. No verschiddene Concerten ass 1994 de Lex Besenius als Gittarist dobäikomm. Am selwechte Joer hu si de Sänger Larry Bonifas kennegeléiert, deen d'Joer drop feste Member vu Sleepwalk ginn ass an de Gesank vum Mich Mangen iwwerholl huet.

1996 war Sleepwalk Gewënner vum Talentconcours vun der Fête de la musique. Als Gewënn gouf et ee Präisgeld an en Optrëtt als Opener fir déi däitsch Band Cultured Pearls op der Fête de la Musique zu Diddeleng.

Am Mäerz 1997 hu si d'EP ?! erausbruecht. D'Lidd Firwat? hat méintenlaang grousse Succès bei den nationale Radiostatiounen. Den 22. Juni 1997 ass Sleepwalk als Virband vum Michael Jackson bei engem vun de gréisste Concerten zu Lëtzebuerg viru 40.000 Zuschauer opgetrueden. Och um Rock um Knuedler hu si 1997 gespillt.

Direkt nom Rock um Knuedler huet de Larry Bonifas d'Grupp verlooss an ass duerch d'Sängerin Geneviève Joly an de Rapper Carlos Matos ersat ginn. Och d'Geneviève Joly ass net laang bliwwen, huet awer nach den Hannergrondgesank beim Lidd Timebomb iwwerholl, deen 1998 op der Kompilatioun Is There An Alternative? erauskomm ass. Géint Enn 1997 huet och de Claude Melchior d'Band verlooss. 1998 sinn zwar nach d'Sängerin Esther van der Jagd an den Drummer Patrick Kessels (deen och Batterie bei Why Not gespillt huet) dobäikomm, mee schonn Enn 1998 ass d'Band vum Mich Mangen opgeléist gi mat der Begrënnung, hie wéilt Studioerfahrung als Produzent sammelen.

De Mich Mangen huet d'Auteurs- an d'Compositeursrechter vun alle Stécker vu Sleepwalk.

Diskographie[änneren | Quelltext änneren]

EP[änneren | Quelltext änneren]

  • 1997: ?!
  • 2012: Firwat? (Dry Mixes)

Kompilatiounsalbume mat Lidder vu Sleepwalk[änneren | Quelltext änneren]

  • 1997: Rock um Knuedler (RTL)
  • 1998: Top Musek aus dem Radioland (Eldoradio)
  • 1998: Is there an Alternative? (One World Promotions)
  • 2001: A Little Bit of History (RTL)