Elsbier

Elsbier
	Elsbier
Wëssenschaftlech Klassifikatioun
Räich	Planzeräich
Ofdeelung	Bléieplanzen
Klass	Magnoliopsida
Uerdnung	Rosales
Famill	Rosaceae
Ënnerfamill	Spiraeoideae
Gattung	Sorbus
Wëssenschaftlechen Numm
	Sorbus torminalis
	Crantz

D'Elsbier (Sorbus torminalis) ass eng Lafbamaart aus der Gattung vun de Sorbussen. Si gehéiert zu der Famill vun de Rosaceae.

Am Lëtzebuergesche gëtt et nach dës Nimm fir dee Bam: Ilenter, Ielechter/Eelechter/Älechter, Elecher, Eilecher, Ellrécher, Pelagor, wëlle Spier, wëlle Spirebam.^[1]

Beschreiwung

D'Elsbier ass e summergrénge Bam, dee 15 bis 25 m, am Bësch heiansdo iwwer 30 m héich gëtt. D'Schuel ass bei deenen ale Beem dacks äschegro a klengschuppeg. Se ka liicht mat där vun der Eech verwiesselt ginn.

D'Blieder sinn ongeféier 2–7 cm laang, breet bis eefërmeg. De Bord ass spatz gelappt a liicht gezackt. Et sinn 3-5 Lappen. D'Bléie si wäiss a bilde riicht, locker Dolderispen. D'Hierschtfaarf ass goldgiel bis liicht rout. D'Friichte si verkéiert eefërmeg bis ronn, am Ufank olivgréng, duerno brong mat hellen Tëppelen an ongeféier 1,5 cm grouss. D'Elsbier gëtt bis zirka 100 Joer al, kann awer an Ausnamefäll méi al ginn.

Verbreedung zu Lëtzebuerg

D'Elsbier gëtt et zu Lëtzebuerg net sou dacks, gréisser Virkomme gëtt et op der Musel a ronderëm Steeën, Schrondweiler an Uewerglabech.

Billergalerie
D'Schuel
Blieder mat Bléi
Bieren

Referenzen

↑ Henri Klees: Luxemburger Pflanzennamen. Luxembourg: Institut grand-ducal, Section de linguistique, de folklore et de toponymie 1972 (= Beitr. zur Lux. Sprach- und Volkskunde Nr. VIII), S.20.

Um Spaweck

Commons: Sorbus torminalis – Biller, Videoen oder Audiodateien

[1] Henri Klees: Luxemburger Pflanzennamen. Luxembourg: Institut grand-ducal, Section de linguistique, de folklore et de toponymie 1972 (= Beitr. zur Lux. Sprach- und Volkskunde Nr. VIII), S.20.

[1]