Zigeiner

Zigeiner ass den Iwwerbegrëff fir Bevëlkerungsgruppen, déi ethnesch matenee Famill sinn an ursprénglech aus Indien stamen, dunn awer zanter dem 14. Joerhonnert an e puer Migratiounswellen iwwer Westasien an Nordafrika an an Europa koumen. De Begrëff kann haut als pejorativ^[1] a mat rassistescher Konnotatioun opgeholl ginn.

Uganks hu se aus wirtschaftlechen Ursaachen ni laang op enger Plaz gewunnt a waren an Dauermigratioun. De Prozentsaz vun deenen déi heiansdo oder stänneg op der "Rees" sinn hëlt awer ëmmer méi of, weltwäit gëtt en op just nëmme méi 5 % geschat. D'Zigeiner liewen haut an der Majoritéit an de südosteuropäeschen an an e puer mëtteleuropäesche Staaten, souwéi a Spuenien an a Frankräich. Zu Lëtzebuerg sollen et der an der Moyenne eng ronn 300 sinn^[2].