Eech zu Siren

Eech zu Siren
D'Eech zu Siren. Hanner der Mauer vir am Bild ass e Baseng vum fréiere Wäschbuer an déi Plaz, déi fréier als Quell vun der Sir ugesi gouf (Januar 2008).
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Weiler zum Tuer
Plaz	Siren
Koordinaten	49°33'47,23"N, 6°13'21,68"O
Bamaart	Stilleech
Geschaten Alter	300 Joer
Héicht	12,5 m
Duerchmiesser	1,61 m
Ëmfang	5,06 m

D'Eech zu Siren ass eng Summereech (Quercus robur; (fr) chêne pédonculé, (de) Stieleiche) déi zu Siren an der Gemeng Weiler zum Tuer steet an zënter 1981 zu de bemierkenswäerte Beem zu Lëtzebuerg gehéiert.

Lokalisatioun

D'Eech steet op engem Fielsvirsprong vum Lëtzebuerger Sandsteen am Ausgank vu Siren, Richtung Duelem, iwwer enger Kapell déi dem hellegen Donatus geweit ass. Tëscht der Kapell an der Strooss stoung fréier e Wäschbuer an déi Plaz ass séngerzäials Quell vun der Sir ugesi ginn.

D'Zesummespill vun enger aler Eech, enger Quell an enger Kapell weist drop hin, datt dëst warscheinlech eng Plaz ass, wou schonn d'Kelten en Hellegtum veréiert hunn. No der Christianiséierung goufen heefeg op sou Plazen e Kräiz, eng Statu vun engem Hellegen oder vun der Muttergottes opgestallt. Sécherlech war dat och zu Siren de Fall.

Entwécklung vum Bam

Den Alter vun der Eech gëtt op ronn 300 Joer geschat^{(Stand: 2023)}.

Schonn 1981 gouf festgestallt, datt hire Stamm zum Deel ausgehielegt war.

Ongeféier Moosse vum Bam (m)

Joer	$U$	$d$	$h$
1980	4,60	1,46	0,00
2000	5,09	1,62	15,00
2023	5,06	1,61	12,50

$U$ = Ëmfang; $d$ = Duerchmiesser; $h$ = Héicht

Kuckt och

• Bemierkenswäert Beem zu Lëtzebuerg
• Am Ausgank vu Siren, lénks vun der Strooss op Mutfert, steet eng aner imposant Eech.

Biller

• D'Eech zu Siren am Laf vum Joer
• 
  Fréijoer ()
• 
  Summer ()
• 
  Hierscht ()
• 
  Wanter (2024)

• Ronderëm de Bam…
• 
  De Baseng vum fréiere Wäschbuer bei der aler Eech an der Donatuskapell
• 
  D'Donatuskapell zu Siren
• 
  D'Statu vum hl. Donatus

Quellen a Literatur

• Murat, D. & M. Feldtrauer-Molitor (Koordinatioun), 2023. Les arbres remarquables du Grand-Duché de Luxembourg. Editeuren: Administration de la nature et des forêts (ANF) an natur&ëmwelt asbl. ISBN 978-2-9199474-3-0 (cf. S. 212-213, Foto an Text).
• Bartimes, Mett et al. Les arbres remarquables 2002. Luxembourg: Administration des eaux et forêts, 2002. Print. ISBN 2-919877-05-4 (cf. S. 22-23, Foto an Text)
• Arbres remarquables du Grand-Duché de Luxembourg. Luxembourg: Administration des eaux et forêts, 1981. Print. (cf. S. 22-23, Foto an Text)

Um Spaweck

Commons: Eech zu Siren – Biller, Videoen oder Audiodateien