Hispaniola

Vu Wikipedia
Hispaniola
Geographie
Kontinent Nord- a Mëttelamerika
Land Dominikanesch Republik, Haiti
Läit an/am Atlanteschen Ozean
Gehéiert zu Grouss Antillen, Westindesch Inselen
Koordinaten 19°N, 71°W
Fläch 76.420 km²
Küstelängt 3.059 km
Héchste Punkt Pico Duarte (3.101 m)
Verwaltung
Demographie
Awunner 22.261.005
Awunnerdatum 2023
Aner Informatiounen
Zäitzon UTC−5

Hispaniola (spuenesch La Española „déi Spuenesch“) ass mat enger Fläch vu ronn 74.700 km² déi zweetgréisst vun de Westindeschen Inselen a vun de Groussen Antillen. Op der Insel leien d'Staaten Haiti an d'Dominikanesch Republik.

Geographie[änneren | Quelltext änneren]

Ongeféier 90 km westlech läit déi gréisst Antilleninsel Kuba an 190 km westlech läit Jamaika, 120 km ëstlech Puerto Rico, 250 km nërdlech d'Grupp vun den Turks- a Caicosinselen an 180 km nordnordwestlech d'Inselgrupp Inagua. D'Insel huet eng Ost-West-Ausdeenung vu 600 km an eng Nord-Süd-Ausdeenung vun 250 km. Se huet d'Form vun enger Hand, déi no Westen op ass, woubäi zwou Hallefinsele mat Bierger a Richtung Kuba respektiv an den Jamaica Channel weisen. Relativ flaach ass nëmmen den Osten an een Dall am Norden tëscht zwou Biergketten.

Politesch Andeelung[änneren | Quelltext änneren]

Um ëstlechen Deel vun der Insel, dee méi grouss ass, läit haut d'Dominikanesch Republik, um méi klenge westlechen Deel d'Republik Haiti.

Bevëlkerung[änneren | Quelltext änneren]

Mat ronn 20 Milliounen Awunner ass Hispaniola d'Antilleninsel mat der gréisster Bevëlkerung.

Land Fläch a km² Awunner (2009) Bevëlkerungsdicht
(Aw. pro km²)
Awunner (2023) Bevëlkerungsdicht
(Aw. pro km²)
Haiti 27.750 9.776.206 352 11.470.261 413
Dominikanesch Republik 48.670 10.090.000 207 10.790.744 221
Hispaniola 76.480 19.866.206 260 22.261.005 291

Ursprong vum Numm[änneren | Quelltext änneren]

Déi Heemesch hunn d'Insel Aytí genannt, wouraus d'haiteg Bezeechnung „Haiti“ entstanen ass. Haiti huet also ursprénglech déi ganz Insel bezeechent.

De Christoph Kolumbus huet d'Insel La Isla Española („déi spuenesch Insel“) genannt. D'Englänner hunn den Numm zu Hispaniola („Klengspuenien“) verballhornt.

D'Insel Hispaniola gouf an der Kolonialzäit politesch opgedeelt an e spueneschen Ostdeel, Santo Domingo (oder San Domingo) genannt no der Stad mam selwechten Numm, an e franséische Westdeel, Saint Domingue (oder Saint-Domingue). Aus dem ëstlechen Deel gouf d'Dominikanesch Republik an aus dem westlechen Deel Haiti, dat zäitweis an dat nërdlecht Nord-Haiti an d'südlech Mulatte-Republik gedeelt war.

Um Spaweck[änneren | Quelltext änneren]

Commons: Hispaniola – Biller, Videoen oder Audiodateien