Kiefer Sutherland

De Kiefer William Frederick Dempsey George Rufus Sutherland (21. Dezember 1966 zu London, England) ass en englesch-kanadesche Schauspiller. Hien ass de Jong vun der Schauspillerkoppel Donald Sutherland a Shirley Douglas.

Säi Liewen

De Kiefer Sutherland als Jack Bauer an der Televisiounsserie 24

De Kiefer Sutherland ass zu London op d'Welt komm, wéi seng Elteren do geschafft hunn. Opgewuess ass hien awer an Ontario, Kanada.

Seng Filmcarrière huet am Joer 1983 mat Max Dugan Return ugefaangen, wou hien zesumme mat sengem Papp gespillt huet. Säin Duerchbroch koum ee Joer méi spéit mam Film The Bay Boy, woufir hien eng Nominatioun fir de kanadesche Pendant zum Oscar, den Genie Award erreeche konnt.

Zwee Joer méi spéit huet hien d'Drama Stand By Me gedréint an 1987 war hien am Vampir-Thriller The Lost Boys ze gesinn. Den entgültegen Duerchbroch zu Hollywood ass him 1990 mam Psycho-Thriller Flatliners gelongen.

An der Mëtt vun de 90er Joren hat de Kiefer Sutherland no etlechen erfollegräiche Filmer en Déifpunkt a senger Carrière. Déi wierklech gutt Rolle sinn ausbliwwen.

Mat der Televisiounsserie an Echtzäit 24 huet hie säi Comeback gestart. 2002 krut hie fir seng Leeschtung e Golden Globe als beschte Schauspiller, e Screen Actors Guild Award an eng Nominéierung fir den Emmy.

Filmographie

Kino

• The Sentinel (2006)
• Taking Lives (2004)
• Phone Booth (2003)
• Desert Saints (2002)
• To End All Wars (2001)
• After Alice (1999)
• Woman Wanted (1999)
• Dark City (1998)
• Truth or Consequences, NM (1997)
• A Time to Kill (1996)
• Freeway (1996)
• An Eye for an Eye (1996)
• The Cowboy Way (1994)
• The Three Musketeers (1993)
• A Few Good Men (1992)
• Twin Peaks: Fire Walk With Me (1992)
• Young Guns II (1990)
• Flatliners (1990)
• Renegades (1989)
• Young Guns (1988)
• The Lost Boys (1987)
• Stand By Me (1986)
• The Bay Boy (1984)

Televisioun

• 24 (2002-2006)

Gielercher

• 1985 Genie Award - Nominatioun fir The Bad Boy
• 2002 Golden Globe - Beschte Schauspiller an enger Televisiounsserie - Drama
• 2002 Golden Satellite Awards - Beschte Schauspiller an enger Televisiounsserie - Drama
• 2002 Emmy - Nominatioun fir beschte Schauspiller an enger Televisiounsserie - Drama
• 2003 Golden Satellite Awards - Beschte Schauspiller an enger Televisiounsserie - Drama
• 2003 Emmy - Nominatioun fir beschte Schauspiller an enger Televisiounsserie - Drama
• 2004 Screen Actors Guild Awards - Beschte Schauspiller an enger Televisiounsserie - Drama
• 2004 Emmy - Nominatioun fir beschte Schauspiller an enger Televisiounsserie - Drama
• 2005 Emmy - Nominatioun fir beschte Schauspiller an enger Televisiounsserie - Drama
• 2006 Screen Actors Guild Awards - Beschte Schauspiller an enger Televisiounsserie - Drama

Um Spaweck

• ImDb

Commons: Kiefer Sutherland – Biller, Videoen oder Audiodateien