1988

19. Joerhonnert | 20. Joerhonnert | 21. Joerhonnert

1983 | 1984 | 1985 | 1986 | 1987 | 1988 | 1989 | 1990 | 1991 | 1992 | 1993

---

Dës Säit befaasst sech mam Joer 1988.

Evenementer

Europa

• 28. August: Zu Ramstein knuppe bei enger Fluchshow 3 Fligeren aneneen, een dervunner fält an de Public. 70 Leit, dorënner 3 Piloten, kommen dobäi oder un de Suitën dervunner ëm d'Liewen.

Lëtzebuerg

• 18. Juni: Den Hellege-Geescht-Tunnel tëschent dem Viaduc an dem Eecher Bierg geet fir de Verkéier op.
• 01. Juli: De Centre national de l'audiovisuel zu Diddeleng mécht seng Dieren fir de Publik op.
• 05. Dezember: De Grand-Duc Jean an de belsche Kinnek Baudouin maachen d'Autobunn A4/A6 tëschent Lëtzebuerg a Bréissel op.

Amerika

USA

• 08. November: De George H. W. Bush gëtt zum 41. President vun den USA gewielt.

Südamerika

• 05. Oktober: Brasilien kritt eng demokratesch Verfassung.
• 11. Dezember: Deen éischten Astra-Satellit gëtt vu Courou aus mat enger Ariane-Rakéit an de Weltall geschoss.

Asien

• 15. Mee: D'Sowjetunioun fänkt dermatter un, hir Truppen aus dem Afghanistan zeréckzezéien.

Noen Osten an Arabesch Welt

• 16. Mäerz: D'irakesch Arméi gräift mat Gëftgas Kurden an Assyrer zu Halabdscha un; et ginn eng 5.000 Doudeger an 10.000 Blesséierter.
• 20. August: Enn vum Éischte Golfkrich tëscht dem Iran an dem Irak.
• 02. Oktober: Zu Seoul (Südkorea) fänken déi 24. Olympesch Spiller un.
• 16. November: D'Benazir Bhutto gëtt Regierungschefin a Pakistan. Si ass déi éischt gewielte Fra un der Spëtzt vun engem islamesche Staat.

Konscht & Kultur

Musek

• 30. Abrëll: D'Céline Dion gewënnt fir d'Schwäiz mam Lidd Ne partez pas sans moi den 33. Eurovision Song Contest zu Dublin.

Sport

• XV. Olympesch Wanterspiller zu Calgary.
• 27. Abrëll: Déi lëtzebuergesch Foussballnationalequipe verléiert an der Stad Lëtzebuerg 0:3 géint Italien.
• 25. Juni: Déi Hollännesch Foussballnationalequipe gewënnt mat 2:0 géint d'Sowjetunioun d'Foussball-Europameeschterschaft 1988.
• XXIV. Olympesch Summerspiller zu Seoul/Südkorea.
• 21. September: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Weltmeeschterschaft 1990, 1:4 géint Schwäiz. De Gol fir d'Lëtzebuerger huet de Roby Langers geschoss.
• 18. Oktober: Déi lëtzebuergesch Foussballnationalequipe verléiert zu Esch-Uelzecht, am Kader vun der Qualifikatioun fir d'Foussball-Weltmeeschterschaft 1990, 0:2 géint Tschechoslowakei.
• 16. November: Déi lëtzebuergesch Foussballnationalequipe verléiert zu Porto, am Kader vun der Qualifikatioun fir d'Foussball-Weltmeeschterschaft 1990, 0:1 géint Portugal.

Gebuer

•  ?: Alice Sara Ott, däitsch-japanesch Pianistin.

• 15. Januar: Sonny John Moore, US-amerikaneschen DJ a Musekproduzent.
• 27. Januar: Liu Wen, chinesescht Mannequin.
• 20. Februar: Rihanna, Popsängerin vu Barbados.
• 24. Februar: Clayton De Sousa Moreira, lëtzebuergesche Foussballspiller.
• 25. Februar: Chris Sagramola, lëtzebuergesche Foussballspiller.
• 09. Abrëll: Patrick Floener, lëtzebuergesche Museker.
• 04. Mee: Gérard Geisbusch, lëtzebuergesche Foussballspiller.
• 05. August: Fleur Maxwell, lëtzebuergesch Äiskonschtleeferin.
• 11. August: Stefano Bensi, lëtzebuergesche Foussballspiller.
• 24. August: Rupert Grint, britesche Schauspiller.
• 08. September: Ben Payal, lëtzebuergesche Foussballspiller.
• 11. Oktober: Joël Zangerlé, lëtzebuergesche Vëlossportler.
• 06. Dezember: Sabrina Ouazani, franséisch Schauspillerin.
• 30. Dezember: Jasmine Braun, lëtzebuergesch Schrëftstellerin.

Gestuerwen

• 03. Januar: Gaston Eyskens, belsche Politiker.
• 26. Januar: Edmond Dune, lëtzebuergesche Schrëftsteller.
• 24. Februar: Memphis Slim, US-amerikanesche Bluessänger a -pianist.
• 00 Februar: Cyril V. Jackson, südafrikaneschen Astronom.
• 24. Mäerz: Heinrich Aigner, däitsche Politiker.
• 30. Mäerz: Edgar Faure, franséische Politiker.
• 05. Abrëll: Joseph Kauffman, lëtzebuergesche Jurist a Banquier.
• 07. Abrëll: Lydie Schmit, lëtzebuergesch Politikerin.
• 18. Abrëll: Pierre Desproges, franséischen Humorist, Auteur an Tëlevisouns-Kabarettist.
• 21. Abrëll: I. A. L. Diamond, US-amerikaneschen Dréibuchauteur.
• 26. Abrëll: Guillermo Haro, mexikaneschen Astronom.
• 13. Mee: Chet Baker, US-amerikaneschen Jazzmuseker, Sänger a Komponist.
• 27. Juli: Brigitte Horney, däitsch Schauspillerin.
• 02. August: Raymond Carver, US-amerikaneschen Auteur vu Kuerzgeschichten a Gedichter.
• 11. August: Pauline Lafont, franséisch Filmschauspillerin.
• 14. August: Enzo Ferrari, italieneschen Auto-Pilot a Grënner vun der Autoconstructiounsfirma Ferrari.
• 17. August: Mohammed Zia ul-Haq, pakistanesche Generol a Staatspresident.
• 24. August: Joseph Roeder, lëtzebuergesche Paschtouer.
• 05. September: Gert Fröbe, däitsche Schauspiller.
• 04. September: Georges Kayser, lëtzebuergesche Paschtouer an Archeolog.
• 17. September: Hilde Güden, éisträichesch Koloratursopranistin a Kammersängerin.
• 21. September: Walter Vogt, Schwäizer Psychiater a Schrëftsteller.
• 03. Oktober: Franz Josef Strauß, däitsche Politiker.
• 11. November: Carlo Hemmer, lëtzebuergeschen Econom, Editeur an Auteur.
• 27. November: John Carradine, US-amerikanesche Schauspiller.
• 06. Dezember: Roy Orbison, US-amerikanesche Country- a Rock-Sänger.
• 18. Dezember: Joseph Maertz, lëtzebuergesche Geeschtlechen an Historiker.
• 27. Dezember: Hal Ashby, US-amerikanesche Filmregisseur.

Commons: 1988 – Biller, Videoen oder Audiodateien