Den 10. August 1792 (fr.: Journée du 10 août) hunn d'Sans-culottes am Kader vun der Franséischer Revolutioun de Palais des Tuileries zu Paräis gestiermt, an de Kinnek Louis XVI. suspendéiert. Dësen huet sech an de Schutz vun der Assemblée législative ginn, a gouf duerno an den Temple iwwerfouert. Dëst war d'Enn vun der Monarchie (bis zu der Restauratioun am Joer 1814). Dësen Dag war och den Ufank vun der Commune vu Paräis.