Agglomeratioun
Eng Agglomeratioun (lat.: agglomerare) ass no der Definitioun vun der UNO vun 1998 eng Käerstad, déi e suburbant Ëmland besëtzt, wat baussent de Stadgrenze läit, awer direkt u si ugrenzt. Sou Agglomeratioune bestinn aus enger oder méi Stied, an hire Virstadgemengen (soug. Speckmantel). D'Agglomeratioun ass also d'Stad am renge geographesche Sënn, ouni d'administrativ Grenzen ze berécksichtegen.
Aner heefeg Bezeechnunge fir dës Gebidder si Stadregioun a Ballungsraum/-gebitt. Am Wesentlechen heeschen dës Begrëffer zwar dat selwecht, mä et gëtt awer kleng Bedeitungsnuancen. Zu enger Stadregioun zielen am Géigesaz zu de méi breede Begrëffer Groussregioun, Metropolregioun a Wirtschaftsregioun net déi ländlech Deelraim, mä nëmme bebauten Terrainen direkt un der Käerstad. Awer och Uertschaften, déi net direkt un der Käerstad leien, kënnen zu der Stadregioun gezielt ginn, wann de Groussdeel vun den Awunner an der Käerstad schafft.
No wéi enge Krittären d'Zuele fir all dës Begrëffer berechent ginn, hänkt am Endeffekt vun der jeeweileger Gesetzesdefinitioun oder vun den Institutiounen of, déi sou Berechnungen zur Verfügung stellen.
Ausserdeem ënnerscheet een nach tëscht monozentrrschen a polyzentreschen Agglomeratiounen, jee nodeem, op en een oder méi Zentre gëtt.
Déi gréisst Agglomeratioune weltwäit1
[änneren | Quelltext änneren]| Plaz | Stadregioun | Awunner | mat derbäi |
|---|---|---|---|
| 1 | Tokio | 34,1 Mio | Yokohama, Kawasaki |
| 2 | Mexiko-City | 22,65 Mio | Nezahualcóyotl, Ecatepec, Naucalpan |
| 3 | Seoul | 22,5 Mio | Bucheon, Goyang, Incheon, Seongnam, Suweon |
| 4 | New York | 21,85 Mio | Newark, Paterson |
| 5 | São Paulo | 20,2 Mio | Guarulhos |
| 6 | Mumbai | 19,7 Mio | Kalyan, Thane, Ulhasnagar |
| 7 | Delhi | 19,5 Mio | Faridabad, Ghaziabad |
| 8 | Shanghai | 18,6 Mio | |
| 9 | Los Angeles | 18,0 Mio | Riverside, Anaheim |
| 10 | Jakarta | 17,15 Mio | Bekasi, Bogor, Depok, Tangerang |
| 11 | Osaka | 16,8 Mio | Kobe, Kyoto |
| 12 | Kolkata | 15,55 Mio | Haora |
| 13 | Kairo | 15,45 Mio | Gizeh, Schubra al-Chaima |
| 14 | Manila | 14,85 Mio | Kalookan, Quezon City |
| 15 | Karatschi | 14,1 Mio | |
| 16 | Moskau | 13,75 Mio | |
| 17 | Buenos Aires | 13,4 Mio | San Justo, La Plata |
| 18 | Dhaka | 13,1 Mio | |
| 19 | Rio de Janeiro | 12,1 Mio | Nova Iguaçu, São Gonçalo |
| 20 | Paräis | 12,0 Mio | |
| 21 | London | 11,95 Mio | |
| 22 | Peking | 11,95 Mio | |
| 23 | Teheran | 11,8 Mio | Karadsch |
| 24 | Istanbul | 11,4 Mio |
1: D'Daten aus den eenzele Länner sinn nëmme schwéier ze vergläichen, well et jee no Land ënnerschiddlech Definitioune vu Ballungsraim gëtt.
Literatur zum Theema
[änneren | Quelltext änneren]- United Nations (Ersg.), Principles and recommendations for population and housing censuses, 1998.
- Stephan Burgdorff an Dr. Hauke Janssen, Jahrbuch 2003 – Die Welt in Zahlen Daten Analysen, Spiegel-Buchverlag, Deutscher Taschenbuch Verlag, S.490f.
- Hartmut Häussermann, Grossstadt: soziologische Stichworte, Leske & Budrich Verlag, Opladen, 1998. (ISBN 3-8100-2126-1)