Antoine Jans

Antoine Jans
Gebuertsnumm	Anton Jans
Gebuer	28. Januar 1868 Iechternach
Gestuerwen	10. Februar 1933 Lëtzebuerg
Nationalitéit	Lëtzebuerg
Aktivitéit	Moler

Den Antoine Jans, gebuer den 28. Januar 1868 zu Iechternach, gestuerwen den 10. Februar 1933 an der Stad Lëtzebuerg, war e Keramikmoler.

No puer Joer Studien am Iechternacher Kolléisch goung hie mat véierzéng Joer an d'Großherzoglich Luxemburgische Porzellanmalerei - Echternach, déi, vun de Bridder Zens aus Mettlach, an der aler Iechternacher Abteikierch bedriwwe gouf, schaffen. Duerno koum hien als Chefmoler an d'Parzeläinsfabréck Villeroy & Boch an de Rollengergronn op Siwebueren, bis zu senger Pensioun den 1. Januar 1925. Um Enn vu senger Beruffscarrière war hie bal blann.

Hien huet mat Virléift Schlässer-, Blummen- a Vigelmotiver gemoolt.

Säi lescht Wierk war d'Titelbild fir dem Michel Molitor a Léon Berchem hiert Buch Heimatsagen.

Hie war de Grousspapp vum Moler a Sculpteur Pierre Berchem.

Literatur

• Aschman, Camille, Alphonse Sprunck, Willy Gilson, Pierre Grégoire, Lucien Koenig, Josy Meyers a.o.: Antoine Jans peintre céramiste de la Faïencerie de Septfontaines 1868 - 1933, Imprimerie Saint-Paul, Lëtzebuerg, 1950