Aurelio Sabbatini

Den Aurelio Sabbatini, gebuer den 20. Juli 1909 zu Esch-Uelzecht an och do gestuerwen de 7. Juni 1987, war e lëtzebuergesche Sculpteur.

Hien huet am Holz, Marber, Steen a Keramik geschafft. Hien hat d'Meeschterprüfung als sculpteur sur pierres.

1948 huet hien de Prix Grand-Duc Adolphe kritt.

Den Aurelio Sabbatini war mat der Agnese Brancaleone bestuet. Hie war de Papp vun der Bettina Sabbatini.

Seng Wierker (Auswiel)

Torcular calcavit Dominus [virgini filiae Iuda]. De Relief "Christus dämmelt am Kelter" gouf 1957 baussen um 'alen' Tuerm vun der Schwéidsbenger Kierch ubruecht.

• D'Monument fir den George S. Patton mam Adler drop um Patton Square zu Ettelbréck.
• Reliefaarbechten un der Neier Bréck
• Reliefaarbechten um Escher Stadhaus
• Sculpture beim Fatima-Monument zu Wolz
• De Marienaltor an d'Relieffer am Steen un de Säitenaltär an der Grenzerkierch zu Esch.
• "Wäimadonna" zu Schwéidsbeng (1955).
• D'Monument aux morts zu Luerenzweiler.
• Vill Skulptur-Aarbechten a Kierchen an u Monument aux morts zu Lëtzebuerg.

Kuckt och

• Lëscht vu lëtzebuergesche Konschtschafenden