Les Engagés
Les Engagés | |
|---|---|
 | |
| Presidentin | Maxime Prévot |
| Vizepresidenten |
André Antoine Melchior Wathelet |
| Generalsekretär | Eric Poncin |
| Gegrënnt |
1945 als PSC-CVP 1972 als PSC 2002 als cdH 2022 als Les Engagés |
| Parteizentral |
Rue des Deux Églises 41 1000 Bréissel |
| Memberszuel |
26.069 (2010) |
| Ideologien |
Zentrismus Humanismus virun 2022: Chrëschtdemokratesch-sozial |
| Politesch Positioun | Liberal |
| Europäesch Affiliatioun | ALDE |
| Europäesch Parlamentsgrupp | Fraktioun Erneier Europa (Renew Europe) |
| Faarf | Turquoise |
| Chamber |
14/150 Sëtz |
| Senat |
5/60 Sëtz |
| Websäit | www.lesengages.be |
Les Engagés, kuerz LE, ass eng zentristesch Partei an den zwou frankophone Regioune vun der Belsch.
Geschicht
[änneren | Quelltext änneren]D'Parti catholique („Kathoulesch Partei“) ass no de Liberalen déi zweeteelst Partei an der Belsch; si gouf 1884 gegrënnt. Nom Éischte Weltkrich huet si sech 1921 an Union catholique belge (UCB) ëmgenannt, ab 1936 housch se Bloc catholique belge. Nom Zweete Weltkrich gouf si d’Parti social-chrétien (PSC), déi zesumme mat de Sozialisten a Liberalen iwwer Joerzéngten d’politesch Landschaft an der Belsch dominéiert huet an och vill Regierungscheffe gestallt huet. D'PSC war am Ufank unitaire, ier se sech 1968 an eng flämesch Partei (haut Christen-Democratisch en Vlaams – CD&V) an eng frankophon Partei opgespléckt huet. Déi frankophon PSC huet sech 2001 an Centre démocrate humaniste (cdH) ëmbenannt a gouf 2022 zu Les Engagés.[1]
D’Partei war laang eng vun de dräi dominanten a Regierungsparteien am franséischsproochege Süden. 2003 krut si 5,5 %, 2007 6,1 % an 2010 5,7 % vun de Stëmmen.[2] Haut steet d’Partei éischter an der Mëtt-Lénks, a setzt sech besonnesch fir e staarke Sozialstaat an, deen dem manner räiche Wallonien entgéintkënnt.[3]
Op engem Parteikongress am Mäerz 2022 zu Bréissel gouf eng geplangt Ännerung vum Numm an Les Engagé(e)s („D’Engagéiert“) ugekënnegt. Dobäi gouf och en neit „Manifest“ als Parteiprogramm virgestallt, ouni Relioun, mat Fokus op eng "regeneréiert Gesellschaft" (pour une société régénérée). Béides gouf um nationalen Parteikongress de 14. Mee 2022 zu Léiwen mat 100 % Zoustëmmung ugeholl.[4]
No den Europawalen 2024 huet LE d’EVP verlooss a sech der Europäescher Demokratescher Partei ugeschloss.[5]
Um Spaweck
[änneren | Quelltext änneren]Referenzen
[Quelltext änneren]- ↑ A.C.: En 2014, près de huit électeurs du CDH sur dix se déclaraient catholique La Libre (Belgique) 30. Mäerz 2022, Säit 5
- ↑ Dieter Nohlen, Philip Stöver (Hrsg.): Elections in Europe: A Data Handbook. Nomos, Baden-Baden 2010, S. 301.
- ↑ Claus Hecking: Das Parteiensystem Belgiens. In: Oskar Niedermayer u. a. (Hrsg.): Die Parteiensysteme Westeuropas. Wiesbaden 2006, S. 41–67, hei 53 f.
- ↑ [https://www.lesoir.be/442230/article/2022-05-14/les-engages-adoptent-leur-manifeste-apres-deux-ans-de-debats Namensänderung: Les Engagés adoptent leur manifeste après deux ans de débats]. Le Soir, 14. Mee 2022 (Franséisch), Gekuckt den 20. Mee 2022.
- ↑ [https://www.lesengages.be/actualite/communique-de-presse-les-engages-rejoignent-le-parti-democrate-europeen-pde/ Les Engagés rejoignent le Parti Démocrate Européen] (Les Engagés, 20. Juni 2024 (Franséisch), Geguckt den 20. Juni 2024).