Charles vu Wales

Vu Wikipedia
Wiesselen op: Navigatioun, sichen
Charles, Prince of Wales, 2011

Den Charles Philip Arthur George, Prënz vu Wales (Prince of Wales) an Herzog vu Cornwall (Duke of Cornwall, bekannt als Prënz Charles, gebuer de 14. November 1948 am Buckingham Palace zu London, ass deen eelste Jong vun der britescher Kinnigin Elisabeth II. an hirem Mann dem Prënz Philip, an deemno zanter 1952 den Trounfolger vum Vereenegte Kinnekräich.

Nodeems e vun der Press jorelaang mat en etleche Fraen a Verbindung bruecht gouf (dorënner och d'Marie-Astrid vu Lëtzebuerg) huet hien den 29. Juli 1981 d'Lady Diana Spencer, bestuet. Si kruten zwee Kanner: den 21. Juni 1982 de Prënz William an de 15. September 1984 de Prënz Harry. De Stot war vun Ufank u kee glécklechen, béid haten Affären, an e gouf, nodeems dës laang a breet an der Ëffentlechkeet getrëppelt gi waren, den 28. August 1996 gescheet. D'Diana ass den 31. August 1997, zesumme mat hirem neie Frënd, dem Dodi Al-Fayed, bei engem Autosaccident zu Paräis leie bliwwen.

Den 9. Abrëll 2005 huet de Prënz Charles seng Frëndin vun zanter Laangem, d'Camilla Parker Bowles bestuet.

Hien ass Member oder huet de Patronnage vun enger ganzer Rëtsch wëssenschaftlechen, politeschen a kulturellen Organisatiounen, dorënner de Prince's Trust. Hien ass och Éierekommandant vu militäreschen Unitéiten aus Groussbrtiannien an dem Commonwealth.

Hien intresséiert sech staark fir Architektur an Urbanismus an huet sech dozou dacks geäussert, besonnesch, fir seng Desapprobatioun zu verschiddene Forme vu moderner Architektur auszedrécken. Hien ass och e Fërderer vun der ecologescher Landwirtschaft a setzt sech fir de Schutz vun de Reebëscher an. Zu all deenen Themen huet hien och Bicher an Artikele publizéiert.

Kompletten Titel[änneren | Quelltext änneren]

Säi kompletten Titel ass His Royal Highness The Prince Charles Philip Arthur George, Prince of Wales, Duke of Cornwall and Earl of Chester, Duke of Rothesay, Earl of Carrick, Baron of Renfrew, Lord of the Isles, Prince and Great Steward of Scotland, Knight Companion of the Most Noble Order of the Garter, Knight of the Most Ancient and Most Noble Order of the Thistle, Great Master and First and Principal Knight Grand Cross of the Most Honourable Order of the Bath, Member of the Order of Merit, Knight of the Order of Australia, Companion of the Queen's Service Order, Member of Her Majesty's Most Honourable Privy Council, Aide-de-camp to Her Majesty

Dëst an dat[änneren | Quelltext änneren]

  • Eng rar Fräschenaart aus Ecuador krut 2012 den Numm Hyloscirtus princecharlesi.

Wierker[änneren | Quelltext änneren]

  • 1990: HRH The Prince of Wales: Die Zukunft unserer Städte – Eine ganz persönliche Auseinandersetzung mit der modernen Architektur, Heyne Verlag, München 1990, ISBN 3-453-04365-0
  • 1993: Charles, Prinz von Wales: Der alte Mann von Lochnagar, Olaf Hille Buchverlag, Hamburg 1993, ISBN 3-929174-11-1
  • 1995: HRH The Prince of Wales: Prince Charles · Aquarelle, Eulen Verlag, Freiburg 1995, ISBN 3-89102-309-X
  • 2010: The Prince of Wales mit Tony Juniper und Ian Skelly: Harmonie – Eine neue Sicht unserer Welt, Riemann Verlag, München 2010, ISBN 978-3-570-50129-0

Um Spaweck[änneren | Quelltext änneren]

Commons: Charles, Prince of Wales – Biller, Videoen oder Audiodateien