Conservatoire vun der Stad Lëtzebuerg
 | |
| Land | Lëtzebuerg |
|---|---|
| Gemeng | Lëtzebuerg |
| Koordinaten | 49°36'8"N, 6°6'25"O |
| Datum vum Bau | 1906 |
 | |
De Conservatoire vun der Stad Lëtzebuerg (fr: Conservatoire de la Ville de Luxembourg) ass eng Museksschoul zu Märel.
Geschicht
[änneren | Quelltext änneren]
Duerch e Gesetz vum 22. Mee 1902, dat d'Schafe vun engem Museksconservatoire an der Stad Lëtzebuerg betraff huet, an dem Arrêté Grand-Ducal dozou vum 11. Mäerz 1904 gouf de legale Kader fir de Conservatoire gesat. Ma eréischt 1906 gouf de Conservatoire gegrënnt, an dat mat Hëllef vun engerm Don vun der Madame Eugénie Dutreux-Pescatore. D'Gebai war domols an der rue du St. Esprit 14-16, am fréiere Refuge vun der Abtei Orval, a war grouss genuch fir ongeféier 300 bis 400 Schüler. Den éischten Direkter war de Belsch Victor Vreuls.
Nom Zweete Weltkrich ass d'Zuel vun de Schüler an d'Luucht gaangen, a schonn an der Mëtt vun den 1960er Jore gouf dovu geschwat, a méi grouss Raimlechkeeten ze plënneren, mä et sollt bis 1984 daueren, bis an dat neit Gebai um Geesseknäppchen geplënnert konnt ginn.
Dëse Gebaierkomplex (dee, wéi säi Virgänger, de Spëtznumm Quatsch huet) ass vun den Architekte Robert Heintz-Sturm a Conny Lentz, dt-8 Planungsgruppe a Büro Bussmann & Haberer. De Concerts-Sall huet eng Westenfelder-Uergel.
Vu Mëtt 2025 bis Enn 2026 soll de groussen Auditorium renovéiert ginn. D‘Sëtzer an d‘Teppecher ginn nei gemaach, an och de Parquet, d‘Akustikspanneauen an d‘Metallstrukture sollen opgefrëscht ginn. Weider kommen nei technesch Raim bäi. D‘Aarbechte sollen eng 11 Milliounen Euro kaschten.[1]
Léierbetrib
[änneren | Quelltext änneren] |
De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
2021 goungen eng 3.800 Elèven an de Consevatoire. 170 Enseignante hunn do ronn 7.000 Coursen d'Woch ginn.
Direkter ass zanter dem 1. September 2011 de Marc Meyers.[2]
Direkteren[3]
[änneren | Quelltext änneren]- 1906 - 1926: Victor Vreuls
- 1927 - 1940: Lucien Lambotte
- 1940 - 1944: Hans Herwig
- 1944 - 1953: Lucien Lambotte
- 1953 - 1953: Richy Muller (directeur ff)
- 1953 - 1959: Walter Kolneder
- 1959 - 1965: Jean-Pierre Schmit (directeur ff)
- 1965 - 1989: Josy Hamer
- 1989 - 1995: Roland Hensgen
- 1995 - 2011: Fernand Jung
- zanter 2011: Marc Meyers
Literatur
[änneren | Quelltext änneren]- 100e anniversaire du Conservatoire de Musique de la Ville de Luxembourg. Luxembourg 2006.
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Conservatoire vun der Stad Lëtzebuerg – Biller, Videoen oder Audiodateien |
Referenzen
[Quelltext änneren]- ↑ De Stater Conservatoire an d'Cinemathéik gi renovéiert an ausgebaut." rtl.lu, 18.11.2024.
- ↑ "De Conservatoire gëtt an Zukunft vum Marc Meyers geleet." rtl.lu - 01.09.2011, 14:40 - Fir d'lescht aktualiséiert: 01.09.2011, 15:13.
- ↑ Beck, Henry, Josy Hamer, Le Conservatoire de la Ville de Luxembourg et ses directeurs, in: Ons Stad Nr 65, 2000, Ss 12-16