Donald Edward Osterbrock

Vu Wikipedia
Wiesselen op: Navigatioun, sichen

Den Donald Edward Osterbrock gebuer den 13. Juli 1924 a gestuerwen den 11. Januar 2007 war en US-amerikaneschen Astronom.

Den Osterbrock ass am Cincinnati grouss ginn. Hie war Student op der University of Chicago. Duerno huet hien op der Princeton University geschafft, an och op der University of Wisconsin an am California Institute of Technology. Zanter 1973 war hien op der University of California, Santa Cruz, wou e vun 1973 bis 1981 de Lick-Observatoire geleet huet.

Den Osterbrock huet sech besonnesch mat spektroskopeschen Observatiounen vun aktive galaktesche Kären ofginn, an och mat der Physik vum ionisierte Gas an dësen Objeten an a Gasniwwele vun onser Mëllechstrooss. Hien huet och e Léierbuch zu dësem Thema geschriwwen.

Hie gouf 1991 mat der Bruce Medal an 1997 mat der Gold Medal vun der Royal Astronomical Society ausgezeechent.

Wierker[änneren | Quelltext änneren]