Edwards Air Force Base

Vu Wikipedia
Wiesselen op: Navigatioun, sichen
Edwards Air Force Base
Bléck iwwer en Deel vun der Airbase
Kategorie Fluchhafen
Dréier United States Air Force
Standplaz vun der Ariichtung Los Angeles
Art vu Fuerschung ugewante Militärfligerei Astronautik
Gebaut 1933
Gegrënnt 1942 (als Air Base)
Leedung Air Force Materiel Command
Homepage Edwards Air Force Base
Koordinaten 34° 54' 20"N
117° 53' 01"W
Diagramm
Satellittefoto mat der gréisster Wandrous vun der Welt

D'Edwards Air Force Base ass eng Loftwaffebasis vun der United States Air Force am Antelope Valley no bei Lancaster a Kalifornien. Si läit ronn 100 km nërdlech vu Los Angeles. Mat hiren ausgedeente Pisten op dem ausgedrëchnete Séi Rogers Dry Lake ass si duerch déi do ausgefouerten Testflich vu verschiddene Fligertypen an als Landeplaz vum Space Shuttle weltwäit bekannt ginn.

De ronn 74 km² grousse Stëtzpunkt gëtt vun der United States Air Force (USAF) an der NASA benotzt, déi hei hiren Dryden Flight Research Center bedreift. D'USAF schafft un hirem Air Force Flight Test Center (AFFTC) un Entwécklungen an Tester vu bemannten an onbemannten Loftgefierer, inklusiv däeren Avionik. Déi zweet bedeitend Ariichtung vun der US-Loftwaff ass hir Testpilote-Schoul (Test Pilot School).

Standard-Start- a Landebunn ass eng 4.580 Meter laang Betonpiste (04/22), awer déi ganz glaat a gläich Buedemfläch vum ausgedrëchnete Séi erlabt och Landungen op dem kompletten Terrain. Orientéierung fir d'Piloten ass op dem Séibuedem eng Wandrous mat 1220 Meter Duerchmiesser. Zousätzlech si ronn 20 verschidde Landebunnen markéiert, déi längst dovun, Landebunn 17/35, ass 11.920 m x 275 m grouss. D'Airbase huet ronn 50 Mol als Standardlandeplaz fir d'Shuttle-Missiounen gedengt. Fir d'lescht war hei am September 2009 d'Discovery am Kader vun der Missioun STS-128 op dem Loftwaffestëtzpunkt gelant.

Op der Edwards Air Base ass och de Birk Flight Test Center ugesidelt, dat am August 2011 Tester mat der onbemannte Global-Hawk-Fliger duerchgefouert huet.

Nordwestlech vun der Base läit de Mojave Air & Space Port.

Geschicht[änneren | Quelltext änneren]

Ufanks als Muroc Army Air Field a spéider als Muroc Army Air Force Base bezeechent, gouf si den 8. Dezember 1949 nom Testpilot Glen Edwards genannt, deen als Kopilot vum Nëmmefligler-Prototyp Northrop YB-49 de 5. Juni 1948 op dëser Plat déidlech verongléckt war.

Um Spaweck[änneren | Quelltext änneren]

Commons: Edwards Air Force Base – Biller, Videoen oder Audiodateien