Op den Inhalt sprangen

Eech zu Guedber

Vu Wikipedia
Eech zu Guedber
Al Eech aus der Häregaass
D'Eech an der Kierfechtsstrooss. Riets dat fréiert Paschtoueschhaus (Mee 2008)
Kategorie geographeschen Objet, Bemierkenswäert Beem zu Lëtzebuerg
Land Lëtzebuerg
Gemeng Jonglënster
Plaz Guedber
Adress Kierfechtstrooss
Koordinaten 49°44'7,40"N, 6°13'52,61"O
Bamaart Stilleech
Geschaten Alter 250 Joer
Status Zousazinventaire vun de klasséierte Monumenter
Héicht 19 m (2000)
Duerchmiesser 1,50 m (2000)
Ëmfang 4,71 m (2000)
D'Eech huet d'Mauer an hire Stamm agebaut.

Déi bemierkenswäert Eech zu Guedber ass eng Summereech (Quercus robur; chêne pédonculé; Stieleiche), déi an der Kierfechtstrooss (rue du cimetière) zu Guedber an der Gemeng Jonglënster, ongeféier 150 m vun der Kierch ewech steet. Wéinst hirer Mächtegkeet an der Plaz wou se steet gehéiert si zu de bemierkenswäerte Beem zu Lëtzebuerg. Den 29. Mäerz 1974 gouf s'op der Lëscht vun de klasséierte Monumenter um Inventaire supplémentaire agedroen.[1]

D'Eech, déi virum fréiere Paschtoueschhaus steet, ass am Duerf als déi al Eech aus der Häregaass bekannt.

Entwécklung vum Bam[änneren | Quelltext änneren]

De Wuesstem vum Stamm gouf vun der Mauer laanscht d'Strooss behënnert, wouropshin d'Schuel vum Bam iwwer d'Mauer ewech bis op den Trottoire erof gewuess ass.

1815 goufen dem Bam all Äscht ewechgeschnidden. 2019 ass d'Kroun also 204 Joer al. Den Alter vum Stamm gouf deemools op ronn 250 Joer geschat, sou datt d'Eech ëm 1770 geplanzt gouf.

Ongeféier Moosse vum Bam (m)
Joer [2]
1980 4,60 1,46
≈2000 5,00 1,59 16,00
2023 4,74 1,51 15,3

Interessantes[änneren | Quelltext änneren]

  • Der mëndlecher Iwwerliwwerung no stounge fréier op dëser Plaz 5 oder 6 aner gewalteg Eechen, déi tëscht 1860 an 1880 ëmgeluecht goufen (Weins 1963).
  • An der Broschür déi 1963 bei Geleeënheet vum 35. Anniversaire vun de Guedber Pompjeeën erauskoum, schreift de Norbert Weins iwwer déi al Eech:

... Für die meisten Einwohner aus Godbringen führt die letzte Reise unter ihrem Schatten durch. Wieviel freudige, aber auch wieviel gramgebeugte Menschen schritten schon unter ihrem mächtigen Astwerk hindurch? Ja, wenn sie nur reden könnte!

Quellen[änneren | Quelltext änneren]

  • Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 40-41, Text a Foto.)
  • Administration des eaux et forêts, 1981. Arbres remarquables du Grand-Duché de Luxembourg. Imprimerie Saint-Paul, 167 S. (Cf. S. 26-27, Foto an Text).
  • Weins, N., 1963. 30me anniversaire du corps des sapeurs-pompiers de Godbrange et fête cantonale des sapeurs-pompiers du canton de Grevenmacher (Godbrange (Junglinster), 100 S. (Cf. S. 32. Den Artikel ass ouni Auteur. An den Arbres remarquables, 2002, gëtt den Artikel dem Norbert Weins zougeschriwwen).

Fotoalbum[änneren | Quelltext änneren]

Dee ganze Bam, vun ënnen aus der Strooss gesinn (Mee 2008).
D'Eech fréier, vun uewen aus der Strooss gekuckt. D'Foto ass net datéiert. (Broschür vun 1963).

Kuckt och[änneren | Quelltext änneren]

Um Spaweck[änneren | Quelltext änneren]

Commons: Eech zu Guedber – Biller, Videoen oder Audiodateien

Referenzen an Notten[Quelltext änneren]

  1. Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).
  2. op Broschthéicht gemooss