Emile Molling

Vu Wikipedia
Emile Molling
Gebuer 19. November 1889
Blaaschent
Gestuerwen 21. Mäerz 1971
Nationalitéit Lëtzebuerg
Aktivitéit Enseignant


De Pierre genannt Emile Molling, gebuer den 19. November 1889 zu Blaaschent a gestuerwen den 21. Mäerz 1971 zu Glen Cove, New York, war e lëtzebuergesche Schoulmeeschter an Ornitholog.[1]

Den Emile Molling huet d'Normalschoul gemaach. Dono war hie Schoulmeeschter zu Dellen (1912/1913), zu Beeler (vum Schouljoer 1913/14 un), a vum Schouljoer 1928/29 un zu Beetebuerg, bis zu senger Pensioun am Joer 1950.[2]

De Molling huet sech vun 1929 am Beetebuerger Mandolinneveräin (Cercle des mandolinistes) engagéiert, wou hie Course fir d'Instrument ze léiere ginn huet a kuerz duerno Dirigent vum Orchester gouf. Et heescht, de Molling hätt dem Baryton Fernand Koenig d'Basiswësse fir Gei ze spille bäibruecht.[2]

1934 war den Emile Molling war Grënnungsmember vum Beetebuerger Vulleschutzveräin, der lokaler Sektioun vun der Ligue luxembourgeoise pour la protection des oiseaux (haut natur&ëmwelt). Hie war de President vum Veräi vun 1934 bis 1962.[1]

De Molling, dee sech nieft de Vullen och nach mat Botanik ofginn huet, huet gär an der Natur fotograféiert, a munch vu senge Fotoe sinn am “Regulus”, dem Bulletin vun der Vulleschutzliga, publizéiert ginn.[3]

De Molling war Éieremember vun der Société des naturalistes luxembourgeois.[2]

Literatur[änneren | Quelltext änneren]

Referenzen[Quelltext änneren]

  1. 1,0 1,1 L.L.E.P.O. 1971, Massard 2015, Massard 2016, S. 15-16, Massard 2017.
  2. 2,0 2,1 2,2 Massard 2015, S. 6-7, Massard 2016, S. 15-16, Massard 2017.
  3. L.L.E.P.O. 1971.