Regulus (Zäitschrëften)

Vu Wikipedia
Wiesselen op: Navigatioun, sichen
De regulus vum September 2010, mam Portrait vum Grousse groen Neimäerder (de: Raubwürger). Format DIN A4.
De regulus Jahresbericht 2007. Format DIN A4.
De Regulus. Wissenschaftliche Berichte, mam Bild vun enger Kréi. Format DIN A5.

Regulus ass den Numm vun zwou Publikatiounsserien, déi vun natur&ëmwelt a.s.b.l. publizéiert ginn.

Et sinn dat:[1]

  • regulus zäitschrëft fir natur & ëmwelt[2]
  • Regulus Wissenschaftliche Berichte

Den Numm ass ofgeleet vu Regulus regulus, dem wëssenschatflechen Numm vum Dommendéck (de: Wintergoldhähnchen). Dëse Vugel a säin noe Verwandten, de Feierkäppchen (Regulus ignicapillus, de: Sommergoldhähnchen) sinn déi klengst Vigel, déi et zu Lëtzebuerg gëtt.

regulus zäitschrëft fir natur & ëmwelt[änneren | Quelltext änneren]

Dës Zäitschrëft, déi véiermol am Joer eraus kënnt an un all Membere vun natur&ëmwelt verschéckt gëtt, adresséiert sech un en allgemeng interesséierte Public. D'Ausgaben enthalen

- en Editorial an Artikelen iwwer d'allgemeng Naturschutzproblematik, zu Lëtzebuerg an och am Allgemengen;
- Interessantes iwwer d'Déieren (virun allem d'Vigel) an d'Planzen, haaptsächlech vu Lëtzebuerg;
- Rapporten iwwer d'Aktivitéite vun natur&ëmwelt, vun hiren Aarbechtsgruppen, an och vun der Stëftung Hëllef fir d'Natur.

Déi meescht Artikele sinn op Däitsch, e klengen Deel op Lëtzebuergesch oder Franséisch geschriwwen.

D'Publikatioun (ISSN 1727-2122), mat enger Oplo (2008) vu 14.500 Exemplairen), gëtt duerch Reklammen an eng Ënnerstëtzung vum lëtzebuergesche Kulturministère finanzéiert.

E puermol am Joer verschéckt natur&ëmwelt “Infoblieder”, déi aus jee 4 Säite bestinn an déi deeselwechten Numm an Ënnertitel droen. Déi zwou Ausgaben - Zäitschrëft an Infoblieder - sinn am Laf vu jiddwer Joer zesummen duerchgehend numeréiert.

Zousätzlech gëtt natur&ëmwelt all Joer e Joresbericht mam Resumé vun hiren Aktivitéiten eraus, deen och ënner dem Titel regulus erauskënnt (z. B. regulus Jahresbericht 2015).

Zanter September 2010 (Nr. 6 2010) kënnt de regulus mam Logo vun natur&ëmwelt op der Titelsäit eraus. Virdrun hat de regulus den Ënnertitel Zäitschrëft vun der Lëtzebuerger Natur- a Vulleschutzliga.

Der TNS-ILRES Plurimedia Etude 2017.I no gouf tëscht Februar 2016 a Februar 2017 (mat Ausnam vun der Summervakanz) an der Moyenne all Editioun vum Regulus vun 24.000 Leit iwwer 15 Joer gelies (5,0 % vun der Wunnbevëlkerung).[3]

Regulus Wissenschaftliche Berichte[änneren | Quelltext änneren]

Wéi Titel an Ënnertitel et soen, verëffentlecht dës Zäitschrëft zanter 1951[4] wëssenschaftlech Fuerschungsberichter iwwer d'Vigel, virun allem vu Lëtzebuerg. D'Zäitschrëft kënnt onregelméisseg eraus a gëtt finanziell vum Naturmusée ënnerstëtzt. D'Ausgabe sinn duerchgehend numeréiert.

D'ISSN ass 1727-088X. Oplo vum Numero 30 (2015): 700.

Eenzel Artikelen kënnen als PDF um Internet erofgeluede ginn.[5]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. Béid Zäitschrëfte sinn am Shop vum Haus vun der Natur op der Kockelscheier ze kréien.
  2. Dësen Titel gëllt vun der Nr. 6 (2010) un, déi am September 2010 erauskoum. Virdru gouf d'Zäitschrëft ënner dem Titel regulus Die Zeitschrift für Naturschutz und Naturkunde in Luxemburg publizéiert.
  3. Pressecommuniqué vun TNS ILRES op paperjam.lu.
  4. Cf. http://www.luxnatur.lu/lnv006.htm#Periodika
  5. Cf. http://www.luxnatur.lu/lnvlwb.htm