natur&ëmwelt

Vu Wikipedia
Wiesselen op: Navigatioun, sichen

natur&ëmwelt a.s.b.l. ass e lëtzebuergesche Veräin, dee sech fir de Schutz vun der Natur an der Ëmwelt am Allgemengen asetzt.

De Veräin, dee säi Sëtz am Haus vun der Natur op der Kockelscheier huet, gouf 2012 gegrënnt. natur&ëmwelt gëtt d'Zäitschrëft regulus natur&ëmwelt eraus.

President vun natur&ëmwelt ass zanter dem 19. Mäerz 2013 de Roby Biwer; säi Virgänger [1], de Frantz Muller, ass elo Ėierepresident.[2]

Historique[änneren | Quelltext änneren]

Am Laf vun 2010 hate sech d'Natura, d'Lëtzebuerger Natur- a Vulleschutzliga an d'Associatioun D'Haus vun der Natur, mat der Ënnerstëtzung vun der Stëftung Hëllef fir d'Natur, informell ënner dem Numm natur&ëmwelt zesummegeschloss. Déi 'nei' Organisatioun gouf ufanks September 2010 der Ëffentlechkeet virgestallt. natur&ëmwelt a.s.b.l. gouf de 7. Februar 2012 offiziell gegrënnt.[3][4]

Den 13. Juli 2012 hunn d'Natura, d'Lëtzebuerger Natur- a Vulleschutzliga (LNVL) an d'Associatioun D'Haus vun der Natur mat natur&ëmwelt fusionéiert an hunn also vun do un net méi als eegestänneg Organisatioune bestanenn.[1]

D'Zäitschrëft regulus natur&ëmwelt ass zanter September 2010 ënner dem Logo vun natur&ëmwelt erauskomm. Verantwortlech fir d'Publikatioun blouf awer wéi virdrun[5], an dat bis am Juli 2012, d'Lëtzebuerger Natur- a Vulleschutzliga.

Presidenten[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. 1,0 1,1 Fusion zur "natur&ëmwelt a.s.b.l." angenommen. Luxemburger Wort vum 17. Juli 2012, S. 16.
  2. natur&ëmwelt: Roby Biwer und Claude Meisch neue Präsidenten von natur&ëmwelt. Frantz Charles Muller neuer Ehrenpräsident von natur&ëmwelt. [1] Cf. Tageblatt 2013, Nr. 68 (21. Mäerz), S. 22 (Natur & Ëmwelt: Frantz Charles Muller neuer Ehrenpräsident. Roby Biwer und Claude Meisch neue Präsidenten).
  3. Cf. Grënnungsstatute vum 7. Februar 2012 am Mémorial Nr. 950: 45565-45570 vum 12. Abrëll 2012
  4. Cf. d'Statutenännerunge vum 13. Juli 2012 am Mémorial Nr. 2605: 124996-124997 vum 19. Oktober 2012.
  5. Cf. a) d'Titelsäit a b) den Impressum S. 35 vun der Nr. 6 (Sept. 2010) vum regulus.