Emmanuel Macron

Vu Wikipedia
Wiesselen op: Navigatioun, sichen
Den Emmanuel Macron (2015).

Den Emmanuel Jean-Michel Frédéric Macron, gebuer den 21. Dezember 1977 zu Amiens, ass e franséische Politiker an zanter dem 14. Mee 2017 President vu Frankräich.

Hie war vun 2006 bis 2009 Member vum Parti Socialiste (PS). Vum August 2014 bis August 2016 war e Wirtschafts- a Finanzminister an der 2. Regierung vum Manuel Valls, ënnert dem Staatspresident François Hollande (PS). Virdrun hat hien, nodeems en d'École nationale d'administration (ENA) gemaach hat, vun 2005 bis 2007 bei der Inspection générale des finances, an dono bei der Bank Rothschild & Cie. als Investmentbanker geschafft, wou en 2012 Partner gouf. Vun 2012 bis 2014 war hie Conseiller vum President Hollande a stellvertriende Generalsekretär vun der Staatspresidence am Élysée.

2016 huet hien En Marche ! (EM, wéi seng Initialen) gegrënnt, mat där e mat sozialliberalen a wirtschaftsliberale Positioune fir d'Presidentschaftswalen 2017 kandidéiert huet.

Am éischten Tour krut e mat 24,01 % déi meescht Stëmmen, an huet och den zweeten Tour géint d'Marine Le Pen, mat 66,1 % zu 33,9 % gewonnen. Hie gouf de 14. Mee 2017 Nofolger vum François Hollande.

Den Emmanuel Macron ass zanter 2007 mat der Brigitte Trogneux bestuet, déi seng Franséischproff am Lycée war, an déi 24 Joer méi al wéi hien ass.

Literatur[änneren | Quelltext änneren]

  • Marc Endeweld: L'Ambigu Monsieur Macron, Flammarion, 2015.
  • François-Xavier Bourmaud: Emmanuel Macron: le banquier qui voulait être roi, L'Archipel, 2016.
  • Nicolas Prissette: Emmanuel Macron en marche vers l'Élysée, Plon, 2016<ref>240 S., ISBN 9782259251532.
  • Anne Fulda: Emmanuel Macron, un jeune homme si parfait. Plon, 2017, ISBN 978-2259217057.

Um Spaweck[änneren | Quelltext änneren]

Commons: Emmanuel Macron – Biller, Videoen oder Audiodateien