Essen

Dësen Artikel beschäftegt sech mat der Uertschaft Essen zu Lëtzebuerg. Fir aner Bedeitunge vum Wuert, kuckt wgl. Essen (Homonymie).

Essen
Aussprooch
An anere Sproochen	fr: Essingen de: Essingen
Land	Lëtzebuerg
Kanton	Miersch
Gemeng	Miersch
Buergermeeschter	Michel Malherbe (DP)
Awunner	21
	1. Januar 2023
Fläch	183,8475 ha
Koordinaten	49° 46’ 43’’ N       06° 06’ 55’’ O

Essen ass eng Uertschaft an der Gemeng Miersch.

Geographie

Essen läit op enger Héicht vun 210 m (NG-L) an ass domat deen déifste Punkt an der Gemeng Miersch.

D'Uertschaft läit um lénksen Uwänner vun der Uelzecht an ass iwwer den CR182 mam CR123 op der rietser Säit vum Floss verbonnen, deen a Richtung Süden op Miesdref an a Richtung Norden op Kruuchte leeft.

E Gemengewee leeft laanscht d'Uelzecht an d'Eisebunn op Pëtten, en anere mécht d'Verbindung mam CR115 tëscht Biissen a Kruuchten.

Geschicht

Essen war nach ëmmer enk mat Pëtten verbonnen. Ausser e puer Haiser an e puer Häff stoung fréier zu Essen tëscht der Uelzecht an der Eisebunn eng kleng Millen, déi nom Zweete Weltkrich an eng Kraftstroumzentral ëmgebaut gouf, an haut nach funktionéiert, a vum Rescht vun der Uertschaft, zwéi Bauerenhäff, vun der Eisebunn gedeelt ass, iwwer déi eng Barriär an e getrennte Foussgängerpassage féiert.

Fréier stoung op der anerer Säit vun der Uelzecht vis-à-vis vun Essen d'Uertschaft Hilbach mam Hilbacherhaff, Plazen, déi nom Éischte Weltkrich verschwonne sinn.

Biller

• 
  De Monenshaff
• 
  D'Essener Millen

Kuckt och

• Essener Uelzechtmillen
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Essen – Biller, Videoen oder Audiodateien