Frédéric-Auguste Bartholdi

Vu Wikipedia
Wiesselen op: Navigatioun, sichen
Den F.A. Bartholdi (1898).

De Frédéric-Auguste Bartholdi, gebuer den 2. August 1834 zu Colmar a gestuerwen de 4. Oktober 1904 zu Paräis, war e franséische Sculpteur. Säi bekanntst Wierk ass d'Fräiheetsstatu op der Liberty Island, New Jersey, virun New York.

Aner bekannt Wierker sinn de Lion de Belfort zu Belfort an eng Statu vum Vercingetorix zu Clermont-Ferrand.

D'Iddi vun der Fräiheetsstatu goung zréck op de Politiker Édouard René Lefebvre de Laboulaye, dee mat sengem Veräin dofir militéiert huet, de Vereenegte Staate fir den 100. Anniversaire vun hirer Onofhängegkeet eng kolossal Statu ze schenken. De Bartholdi huet alles gemaach fir dat ëmzesetzen. Den Ingenieur Maurice Koechlin huet d'Drokonstruktioun fir d'Monument entworf; déi eleng 127 Tonne weit.

Am Summer 1884 waren déi 300 eenzel Kofferplacken, aus deenen d'Monument zesummegesat war, fäerdeg, an et konnt zerluecht an an 200 Këschte verpaakt an Amerika geschéckt ginn, wou et op der Liberty Island opgeriicht an den 28. Oktober 1886 ageweit gouf. Am Ufank housch et nach Barholdi Statue. Et ginn zu Paräis (ë. a. am Jardin du Luxembourg an op der Île des Cygnes), zu Colmar an zu Los Angeles méi kleng Modeller, respektiv Kopië vun der Statu.

Galerie vu verschiddene vu senge Wierker[änneren | Quelltext änneren]

Um Spaweck[änneren | Quelltext änneren]

Commons: Frédéric Auguste Bartholdi – Biller, Videoen oder Audiodateien