Francorchamps

Francorchamps
Land	Belsch
Regioun	Wallounien
Communautéit	Franséisch Communautéit
Provënz	Léck
Arrondissement	Verviers
Gemeng	Stavelot
Koordinaten	50°27'14"N, 5°57'7"O
Websäit	http://www.francorchamps.org/

Francorchamps (op Wallounesch Francortchamp) ass eng Sektioun vun der belscher Gemeng Stavelot an der Provënz Léck.

Virun de belsche Gemengefusioune vun 1977 war Francorchamps eng eegestänneg Gemeng zu där d'Uertschafte Ster, Hockai, Baronheid, Cronchamps an Neuville, dat vu La Gleize detachéiert gi war, gehéiert hunn.

Geographie

D'Uertschaft läit um Uwänner vun der Eau Rouge, engem klengen Niewefloss vun der Amblève am Héije Venn.

Geschicht

Am Ufank vum Éischte Weltkrich den 8. August 1914 wéi Däitschland d'Belsch iwwerfall huet, huet de 74. Infantrieregiment zu Francorchamps 25 Haiser zerstéiert, a 14 Zivilisten erschoss.

Kuckeswäertes

• D'Uertschaft stéisst un d'Nordspëtzt vum bekannte Formel I-Circuit Spa-Fancorchamps.

Bekannt Persounen

• Jean-Mathieu Nisen (1819-1885), Moler gebuer zu Ster.

Um Spaweck

• Syndicat d'initiative vu Francorchamps