Franséisch Iwwerséigebidder

Vu Wikipedia
Dëse Geographiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Kaart mat de Franséischen Iwwerséigebidder (fr)

Déi franséisch Iwwerséigebidder sinn déi Territoirë baussent Europa, déi vu Frankräich an der enger oder anerer Form regéiert oder verwalt ginn; am Weesentlechen handelt et sech ëm fréier franséisch Kolonien. Am Ganze liewen do ongeféier 2,5 Millioune Mënschen. Nëmmen déi franséisch Süd- an Antarktisgebidder a Franséisch-Polynesien hunn offiziell eege Fändelen, deen anere Gebidder hir Fändelen hu keen offiziellen Charakter.

Op Franséisch ginn d'Iwwerséigebidder formell als la France d'outre-mer bezeechent. Bis zur Verfassungsreform vum 23. Mäerz 2003 war déi offiziell Bezeechnung les DOM-TOM (Département d'outre-mer - Territoire d'outre-mer), eng Kennzeechnung, déi haut an der Ëmgangssprooch nach gebraucht gëtt.

Déi franséisch Iwwerséigebidder ginn a follgend Kategorien agedeelt:

Départements a régions d'outre-mer (DOM-ROM)[änneren | Quelltext änneren]

D'Départements a Régions d'outre-mer hunn de selwechte Status wéi d'Regiounen an d'Departementer vum franséische Festland. D'Bierger si Fransousen, hunn d'Stëmmrecht bei der Presidentschaftswal a vollen Usproch op d'Leeschtunge vum Staat. Déi offiziell Wärung ass den Euro. Dat ass am Artikel 73 vun der Constitutioun vun der Fënnefter franséischer Republik festgeluecht.

Bei den DOM-ROM handelt es sich ëm:

Collectivités d'outre-mer (COM)[änneren | Quelltext änneren]

D'Collectivités d'outre-mer hunn ënnereneen deelweis e staark differenzéierte Charakter. Generell si se awer autonom. Déi franséisch Gesetzer gëllen do net automatesch, mä eréischt no enger ausdrécklecher Decisioun. Trotzdeem si se virun allem aussen- a verdeedegungspolitesch vu Frankräich ofhängeg. D'Wärung vu Franséisch-Polynesien an och Wallis a Futuna ass de CFP-Franc, déi vun den anere COM den Euro.

Bei de COM handelt et sech ëm:

Neikaledonien[änneren | Quelltext änneren]

Neikaledonien (de: Neukaledonien, fr: Nouvelle-Calédonie) huet eng Sonnerreegelung opgrond vun den Artikele 76 a 77 vun der Constitutioun an ass eng Collectivité sui generis mat dem CFP-Franc als Wärung.

Terres australes et antarctiques françaises (TAAF)[änneren | Quelltext änneren]

Déi franséisch Süd- an Antarktisgebidder hunn eng eege Verwaltung zu Saint-Pierre, op der Réunion. Rechtlech gesi sinn d'TAAF en Iwwerséigebitt mat besonneschem Status. Den Territoire begräift d'Inselen Amsterdam a Saint-Paul, d'Crozetinselen, d'Kerguelen, an um antarktesche Kontinent, d'Adelieland. Déi meescht vun den Insele sinn net bewunnt. D'TAAF gehéieren net zur EU, den Euro ass awer déi offiziell Wärung.[1]

 Méi Informatioun doriwwer am Artikel: Franséisch Süd- an Antarktisgebidder.

Clipperton-Insel[änneren | Quelltext änneren]

D'Clipperton Insel ass a franséischem Staatseegentum. D'Insel ass net bewunnt.

Referenzen[Quelltext änneren]

  1. (de) Europäesch Zentralbank: Die Euro-Banknoten und ‑Münzen im Umlauf - Wo ist der Euro gesetzliches Zahlungsmittel?