George William Hill

Vu Wikipedia
Wiesselen op: Navigatioun, sichen
George William Hill
Hill1905.jpg
Gebuer 3. Mäerz 1838
New York City
Gestuerwen 16. Abrëll 1914
Nationalitéit USA
Educatioun Rutgers University
Aktivitéit Astronom, Mathematiker
Member vun Royal Society, Schwedesch Akademie vun de Wëssenschaften, Norwegesch Akademie vun de Wëssenschaften, American Academy of Arts and Sciences, Académie des sciences
Wikidata-logo-without-paddings.svg

Den George William Hill, gebuer den 3. Mäerz 1838 zu New York a gestuerwen de 16. Abrëll 1914 zu West Nyack bei New York war en US-amerikaneschen Astronom a Mathematiker, deem seng Methode fir d'Bunnberechnunge bis haut gebraucht ginn. Hie war mat sengen Aarbechten iwwer Bunnstéierunge fir den Dräikierperproblem dee bedeitendsten theoreteschen Astronom vu senger Zäit.

Den Hill huet 1859 säi Studium op der Rutgers Universéit ofgeschloss. Vu 1861 u schafft hien am Nautical Almanac-Office zu Massachusetts. Do beschäftegt hie sech intensiv mat der Moundbunn-Theorie an entwéckelt mathematesch Methode fir d'Léisung vum Dräikierperproblem - besonnesch seng Differentialequatioun. Fir d'Planéitebunnen ëm d'Sonn a fir d'astronomesch Joerbicher méi genee virausrechnen ze kënnen, huet hien och zu Léisunge vum Méikierperproblem bäigedroen.

An de Joren 18941896 war hie President vun der American Mathematical Society. Tëscht 1887 an 1910 krut hien en etlech wëssenschaftlech Präisser an England an a Frankräich (1887 Goldmedail vun der Royal Astronomical Society) a gouf ëm 1910 a verschidde kinneklech Akademien opgeholl – ënner anerem an déi vun Edinburgh, déi Belsch, d'Italien an déi vu Schweden.

No him ass och d'Hill-Sphär, d'Differentialequatioun vum Hill, den Asteroid (1642) Hill souwie de Moundkrater Hill genannt.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]