Green Light and the Rocky Bretherens

Vu Wikipedia
Op d'Navigatioun wiesselen Op d'Siche wiesselen
Green Light and the Rocky Bretherens
Genre: Reggae
Land: Flag of Luxembourg.svg Lëtzebuerg
Grënnung: 2003
Websäit: ReverbNation, Facebook
Memberen
Perkussioun: Rui Lopes
Batterie: Nick Atkinson
Keyboard an Hammond-Uergel: Wenzel Vermeersch
Gesank a Gittar: Casimir Schauman
Bass: Job de Jong
Saxophon: Warren Hernandez
Gesank a Perkussioun: Fabian Rudolph
Gittar: Koos Couvé
Perkussioun: Alex Anyfantakis
Trompett: Tomas Pracana
Bouzouki a Gittar: Marcos Anyfantakis
Djembe: Tiago Hacke

Green Light and the Rocky Bretherens war eng Reggae-Museksgrupp aus Lëtzebuerg mat internationale Memberen.

Bandgeschicht[änneren | Quelltext änneren]

D'Grupp gouf 2003 gegrënnt an hat Memberen aus aacht verschiddene Länner: Finnland (Casimir Schauman), England (Nick Atkinson), Holland (Job De Jong a Koos Couvé), der Belsch (Wenzel Vermeersch), Portugal (Rui Lopes, Tomas Pracana an Tiago Hacke), Costa Rica (Warren Hernandez), Griicheland (Marcos Anyfantakis an Alex Anyfantakis) a Frankräich (Fabian Rudolph).

Green Light and the Rocky Bretherens hat hiren éischten Optrëtt 2004. Deemools waren siwe Memberen an der Grupp, déi hirer Freed un der Musek fräie Laf gelooss hunn. 2005 hu si dann hiren éischte richtegen Erfolleg erlieft wou si e Plackevetrag beim klenge lëtzebuergesche Plackelabel Ashcan Records ënnerschriwwen hunn. Nodeem si 2005 vill Optrëtter haten, ënner anerem mat Gruppe wéi Les Fils De Teuhpu, Kingston Kitchen 809 oder Dr. Ring Ding, ass 2006 d'Lidd Pink Panther op der Kompilatioun Music for the Living? Vol.1 vun Ashcan Records erauskomm an hir EP Live at the Rockhal, déi eng zweet Kéier 2009 um Label Music Is Art Records verëffentlecht gouf, koum op de Maart.

Optrëtter hat d'Grupp der och erëm vill, ënner anerem um Ska Im Park Festival an Däitschland an op hiren zwou eegene klengen Touren duerch Frankräich a Portugal. Si hunn och erëm mat ville bekannte Gruppen gespillt, wéi Rude & Visser, Three Minute Warning, Skatoons, Nyabinghi an aneren.

Hiren Erfolleg huet net nogelooss. Nodeem si zweemol um Naionalfeierdag (2005 an 2006) an um KuFa Ska Festival (2005 an 2006) gespillt haten, si si um Rock-A-Field Festival 2007 opgetruden.

Diskographie[änneren | Quelltext änneren]

  • 2006: Live at the Rockhal