Harriot (Exoplanéit)

Vu Wikipedia
Op d'Navigatioun wiesselen Op d'Siche wiesselen

Den Harriot (55 Cancri f) ass en Exoplanéit, deen d'Komponent A vum Duebelstäresystem Copernicus ëmkreest. Hien ass de véierte Planéit vum System a gouf als leschten entdeckt. Wéinst senger héijer Mass handelt et sech wahrscheinlech ëm e Gasplanéit.

Entdeckung[änneren | Quelltext änneren]

De Noweis vum Harriot berout wéi bei allen aneren vum 55 Cancri-System op Miessunge mat der Radialvitess vum Zentralstär. De Jack Wisdom hat no den Analyse vun der Radialvitessbéi d'Existenz vum Planéit schonn am Joer 2005 ugeholl an hat dat am Abrëll um Treffen vun der American Astronomical Society matgedeelt. D'Publikatioun an enger wëssenschaftlecher Fachzäitschrëft koum eréischt annerhalleft Joer méi spéit. D'Berechnungen mam Unhuele vum fënnefte Planéit mat enger Bunn op der grousser eideler Plaz tëscht den dräi enke Planéiten Janssen, Galileo a Brahe an deem méi wäit leiende Planéit Lipperhey erméiglechten een am Ganze stabilt Planéitesystem mat klengen Exzentrizitéiten vun alle Planéiten, wéi et no den allgemeng akzeptéierten Theorien zu der Planéitengenesis plausibel ass.

Bunneegenschaften[änneren | Quelltext änneren]

De Planéit kreest ëm säi Stär op enger Distanz vun zirka 0,781 A.E. mat enger Exzentrizitéit vun 0,2. Seng Bunn ass net méi wäit wéi d'Venus vun der Sonn. Een Ëmlaf dauert 260 Deeg.

Physikalesch Eegenschaften[änneren | Quelltext änneren]

Phantasieduerstellung vum Copernicus A mat sengem véierte Planéit.

Den Harriot huet eng Mindestmass vun zirka 45,78 Äerdmassen respektiv 0,144 Jupitermassen. Hien ass also op d'mannst ongeféier hallef sou schwéier wéi de Saturn. Iwwer säi Radius, déi chemesch Zesummesetzung an d'Uewerflächtemperature kann am Ament nëmme spekuléiert ginn. Héchstwahrscheinlech ass et e Gasplanéit ouni fest Uewerfläch.

Numm[änneren | Quelltext änneren]

Wéi all Exoplanéite gouf den Harriot am Ufank mam offiziellen Numm vum Stär an engem klenge Buschtaf, entspriechend der Reiefolleg vun der Entdeckung, bezeechent. No engem ëffentlech ausgeschriwwenem Concours vun der I.A.U. krut de Planéit de 15. Dezember 2015 den Numm vum engleschen Astronom Thomas Harriot.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Referenzen[Quelltext änneren]

  • Debra A. Fischer, Geoffrey W. Marcy, R. Paul Butler, et al.: Five Planets Orbiting 55 Cancri. The Astrophysical Journal, 675 (2008), S. 790-801.