Op den Inhalt sprangen

Institut européen de chant choral Luxembourg

Linken derbäisetzen
Vu Wikipedia
(Virugeleet vu(n) INECC Luxembourg)
De Logo vum INECC.
INECC - Bonnevoie (Administration et salle) 23A, rue de Chicago L-1332 LUXEMBOURG-Bonnevoie INECC - Gare (Salle) 52, Ave. de la Gare L-1610 LUXEMBOURG-Gare

Den Institut européen de chant choral Luxembourg, ofgekierzt INECC Luxembourg, ass eng lëtzebuergesch kulturell Associatioun, déi sech der Promotioun vum Gesank – besonnesch dem Chorgesank – souwéi der Aus- a Weiderbildung am Beräich Stëmm, Gesang a Chorleedung verschriwwen huet.

Den INECC gouf 1992, ënner anerem op Initiativ vum Pierre Cao,[1] gegrënnt mat dem Zil, d’Freed um Sangen ze fërderen an d’Qualitéit vum Gesank an dem Chouerliewen zu Lëtzebuerg nohalteg ze stäerken. D’Institutioun riicht sech un e breede Public: Kanner, Jugendlecher an Erwuessener, Amateursängerinnen a -sänger, Dirigent*innen, Musekspädagoginnen a -pädagogen, souwéi professionell Museker.

D’Missioun vum INECC ass et, de kollektive Gesank als kulturell a sozial Praxis ze ënnerstëtzen, pedagogesch a kënschtleresch Kompetenzen ze vermëttelen an Austausch tëscht Amateur- a Profimusiker ze erméiglechen.[2]

Den INECC huet eng Schwësterorganisatioun a Loutrengen ënner dem Numm INECC Mission voix lorraine.

Missiounen

[änneren | Quelltext änneren]

An Zesummenaarbecht mat dem Kulturministère an der Stad Lëtzebuerg gëtt versicht, follgend Missiounen z'erfëllen:

  • Aus- a Weiderbildung souwuel vum Amateur wéi och vum Professionellen;
  • Begleedung vu Sänger oder Gesanksensemblen, déi um Sprong op e professionellen Niveau sinn;
  • Begleedung vun zukünftege Formateuren;
  • Zesummenaarbecht mat verschiddene musikalesche Strukturen;
  • Fërdere vun alle musikalesche Repertoiren an alle Stiler aus allen Zäitalteren;
  • Fërdere vun der musikalescher Kreatioun;

Aktivitéiten

[änneren | Quelltext änneren]

INECC Luxembourg bitt eng grouss Villfalt u Programmer an Aktivitéiten un:

  • Atelieren a Formatiounen am Beräich Stëmmtechnik, Gesang a Chouerleedung fir verschidden Alters- a Niveaugruppen
  • Chouer- a Gesangsprojeten, dorënner spezialiséiert Ensembelen ewéi:
    • Luxembourg Jazz Voices, e gemëschte Jazz-Chouer mat internationaler Ausriichtung,
    • Home Sweet Home: A Partnerschaft mat ATD Quart Monde an ënner der Leedung vum Nicolas Billaux ass Home Sweet Home e Chouer, deen fir jiddereen op ass – egal ob een Erfarung am Sange huet oder net. De Chouer interpretéiert eng ofwiesslungsräich Auswiel u Lidder aus der ganzer Welt. De Projet gouf am Februar 2015 an d’Liewe geruff.
  • Concerten, Mini-Festivaler a kulturell Evenementer, ë. a. am Kader vu Projete wéi „Bach in the Subways“
  • Berodung a Vernetzung fir Chéier, Enseignanten, kulturell Institutiounen a lokal Acteuren

Den INECC schafft reegelméisseg mat Museksschoulen, Kulturhaiser, Gemengen a weidere Partner aus der lëtzebuergescher Kulturlandschaft zesummen.

Verwaltungsrot

[änneren | Quelltext änneren]

Stand 2026[3]

  • Präsidentin: Mme Françoise HETTO-GAASCH
  • Vize-Präsidentin: Mme Vanessa CUM
  • Sekretärin: M. Joé HAAS
  • Tresorier: M. Serge BAUSCH
  • Member: Mme Simone MARTINY

Fréier Verwaltungsrotsmemberen:

Fréier Präsidentin:

Direktioun

[änneren | Quelltext änneren]
  • M. Arend Herold (zenter 2018)[6]
  • Camille Kerger, Direkter (bis 2018)
  • Chantal Grandclair, administrativ a finanziell Direktesch

Kuckt och

[änneren | Quelltext änneren]

Um Spaweck

[änneren | Quelltext änneren]

Notten

[Quelltext änneren]
Vun „https://lb.wikipedia.org/w/index.php?title=Institut_européen_de_chant_choral_Luxembourg&oldid=2666011“