Camille Kerger

Camille Kerger
Gebuer	9. Februar 1957 Réiden op der Atert
Nationalitéit	Lëtzebuerg
Aktivitéit	Operesänger, Komponist, Museksprofesser

De Camille Kerger, gebuer den 9. Februar 1957 zu Lëtzebuerg, ass e lëtzebuergesche Komponist, Posaunist, Sänger (Tenor) an Dirigent.

Formatioun

• De Camille Kerger huet Posaun, Gesank a Kompositioun op de Conservatoirë vu Lëtzebuerg a Metz studéiert.
• Duerno war hien op de Musekshéichschoule vu Mannheim an Düsseldorf an Däitschland an huet do de Concertsexamen am Fach Gesank ofgeluecht.

Karriär

• Hie war als Posaunist Member vu verschidden Orchesteren.
• Als lyreschen Tenor (Solist) huet hien a villen Operen, Oratorien a Concerten zu Lëtzebuerg an am Ausland matgewierkt.
• Vun 1981 bis 1993 war hie Comitésmember vun der Lëtzebuerger Gesellschaft fir nei Musek (LGNM).
• An de Joren 1986 bis 1990 huet hien den Ensembel fir nei Musek Sigma geleet, een Ensembel mat deem hie vill Concerten zu Lëtzebuerg, an Däitschland, Frankräich, an der Belsch souwéi an Holland ginn huet.
• Am Juni 2000 krut säi Wierk « Altars of Light » fir Chouer & Orchester beim Concours « L'An 1000 – l'année 2000 » zu Paräis den éischte Präis a gouf am November 2000 zu Metz, Saarbrécken, Verdun, Thaon-les-Vosges a Lëtzebuerg opgeféiert.
• Seng Kompositioune si vu ville lëtzebuergeschen an auslänneschen Ensembele gespillt ginn.
• Als musekaleschen Direkter vum Théâtre national du Luxembourg, vun deem en och Grënnungsmember ass, ass hie fir d'Abteilung Musekstheater zoustänneg.
• Hien ass Direkter vum Institut européen de chant choral Luxembourg.

Kompositiounen (Auswiel)

De Camille Kerger huet Wierker fir verschidde Besetzunge geschriwwen, dorënner 13 Kompositioune fir Orchester, dräi Kammeroperen, e puer Theaterstécker mat Musek a Kanneroperen.

Operen a Bünemusek

• D'Oper "Il Signor Drago", (1995) huet hien am Optrag vum Théâtre du millénaire, Luxembourg komponéiert; si gouf 1997 am Théâtre du capitole zu Toulouse nei inzenéiert.
• Melusina: Kammeroper fir 5 Solisten a Kammerensemble mat 16 Museker (1995)
• Botz: Musek zu engem Theaterstéck vum Guy Rewenig (1997)
• Tschirkolorado: E Schoulprojet fir Kanner no engem Libretto vum Guy Rewenig (Am Optrag vum Institut européen de chant choral) (1997)
• D'Oper "Rinderwahn", ass 1998 am Optrag vum Théâtre national du Luxembourg an dem Nationaltheater Mannheim komponéiert ginn a gouf am Mee 1999 mat groussem Erfolleg zu Mannheim fir d'éischt opgeféiert.
• Schmetterlingsschatten, Bünemusek zu engem Theaterstéck vum Michel Grevis (2001)
• Big Far Niente: Kanneroper no engem Libretto vum Jemp Schuster (2002-2003)
• Flintenzauber: Eng grouss Oper fir 9 Solisten, Chouer a sinfoneschen Orchester (2004-2006)
• Wenn die Nacht hereinbricht: E Concert fir de Festival international de musique, (Iechternach 2001)
• Ein Mond aus kochender Milch: Eng Kammeroper (2001)

Aner Kompositiounen

• Orchesterwierker
  • Polarite fir Harmonie-Orchester (1983)
  • Harmattan fir Sinfonie-Orchester (1984)
  • Träumergesang fir Laien-Sinfonie-Orchester (1985)
  • Samum fir Sinfonie-Orchester (1986)
  • Elevation, 4 Orchesterlidder no Gedichter vum Charles Baudelaire
  • Wings Of Light fir Sinfonie-Orchester (1993)
  • Pilgrim Of Heavens Homeless Way fir Sträichorchester (1994)
  • Traumblende fir groussen Orchester (fir d'Aweiung vun der Philharmonie zu Lëtzebuerg (2004)).
• Aner Wierker
  • De Camille Kerger huet och Chouerwierker, Lidder an aner Wierker komponéiert

Filmographie

• 1989: Mumm Sweet Mumm, vum Paul Scheuer, Georges Fautsch a Maisy Hausemer

Auszeechnungen

• 2016: Prix Lions
• 2024: Nationale Musekspräis

Kuckt och

• Lëtzebuerger Operen

Um Spaweck

• Säit vum Théatre National du Luxembourg
• Säit vum Institut Européen du Chant Choral, Direkter: Camille Kerger