Lëtzebuerger Musekspräisser
D'Lëtzebuerger Musekspräisser sinn eng Rëtsch Präisser am Beräich vun der Musek, déi zanter 2022 op Initiativ vum Lëtzebuerger Kulturministère all dräi Joer vergi ginn[1].
Virgänger
[änneren | Quelltext änneren]Schonn 2007 gouf an 2018 gouf mat den Elie Music Awards, respektiv de Luxembourg Music Awards, zwéin national Musekspräisser an d'Liewe geruff, mee vu béiden Evenementer gouf et nëmmen eng eenzeg Editioun.
Donieft goufen tëscht 2012 an 2019 och al Joer déi erfollegräichste lëtzebuergesch Kënschter am Ausland mam Export Artists of the Year Award ausgezeechent, a fir déi d'Museksvideoe gouf et vun 2013 bis 2017 d'Video Clip Awards.
De Lancement vun de Lëtzebuerger Musekspräisser ass en Deel vun engem neien Effort vum Kulturministère, fir Lëtzebuerger Kënschtler Unerkennung ze ginn. Si alignéiere sech mat enger Rei anere Kulturpräisser, déi de Ministère an d'Liewe geruff huet, mat de Lëtzebuerger Theaterpräisser (2021) an dem Lëtzebuerger Konschtpräis (2022).[2]
Organisatioun
[änneren | Quelltext änneren]Bei de Lëtzebuerger Musekspräisser handelt et sech ëm 5 verschidde Präisser a follgende Beräicher:[3]
- den Nationale Musekspräis, mat deem e Kënschtler fir seng Karriär, säi Wierk oder säin Engagement an der Lëtzebuerger Musekszeen ausgezeechent gëtt;
- de Präis fir en Nowuesstalent;
- de Präis Op der Bün fir een oder eng Grupp vu Kënschtler (Auteuren, Komponisten an/oder Interpreten) fir e besonnesch gelongene musekalesche Projet;
- de Präis Hannert der Bün fir Toun- oder Luuchttechnicker, Manager, Produzenten, asw.
- de Präis Fräizäitmusek fir en aussergewéinlecht oder nohaltegt Engagement vun enger oder méi Persounen am Beräich Musek wärend hirer Fräizäit.
Bis op den Nationale Musekspräis gi prinzipiell Leeschtungen aus de vergaangenen dräi Joer priméiert. Eligibel si Lëtzebuerger, Leit déi zu Lëtzebuerg wunnen oder déi e besonnesche Bezuch zum Land hunn. Fir déi éischt Editioun hunn eng 40 Leit aus dem Museksmilieu hir Virschléi agereecht, aus deenen eng Shortlist zesummegestallt gouf, a wouraus dann déi 5 Laureaten ausgesicht goufen.[3]
2022
[änneren | Quelltext änneren]D'Präiszeremonie vun der éischter Editioun war den 21. Dezember 2022 an der Rockhal a gouf vun der Sascha Ley an dem Mike Tock moderéiert. Donieft sinn och d'Band Francis of Delirium, de Sven Hoscheidt vu United Instruments of Lucilin an de Gilles Grethen Quartet opgetrueden.[4]
D'Gewënner kruten eng Präisskulptur, déi vun der Kënschtlerin Laurie Lamborelle entworf gouf.[2]
Jury
[änneren | Quelltext änneren]- Jamie Reinert, Museksjournalist, Radio 100,7
- Thierry Hick, Kulturjournalist, Wort
- André Neves, Museksproduzent, Grënner vu Magestick Records – Sony/ATV
- Cathy Krier, Pianistin, Presidentin vum Jury
- Tiffany Saska, Responsabel fir Kommunikatioun a Presse, Philharmonie
Laureaten
[änneren | Quelltext änneren]| Kategorie | Laureat | Aner Nominatiounen[2] | Präisgeld |
|---|---|---|---|
| Nationale Musekspräis | Pierre Cao, Museker, Komponist an Orchesterchef | / | 10.000 € |
| Lëtzebuerger Musekspräis – Op der Bün | Maz, Museker | Francis of Delirium Reis Demuth Wiltgen Artemandoline Tuys |
3.500 € |
| Lëtzebuerger Musekspräis – Hannert der Bün | Stéphanie Baustert, Museksmanagerin | Tom Gatti Charles Stoltz Konektis Entertainment Sacha Hanlet |
3.500 € |
| Lëtzebuerger Musekspräiss – Musekvermëttlung | BEAST, Produktioun | Konektis Entertainment OCL Two Steps Twice Klengen Maarnecher Festival |
3.000 € |
| Lëtzebuerger Musekspräis – Fräizäitmusek | Big Band Opus 78, Ensemble | Orchestre National des Jeunes Hunneg-Strëpp Luxembourg Philharmonia Festival Koll an Aktioun |
2.500 € |
| Lëtzebuerger Musekspräis – Nowuesstalent | Benjamin Kruithof, Museker | Pit Brosius Francis of Delirium Maz Chaild |
2.500 € |
2024[1]
[änneren | Quelltext änneren]D'Präiszeremonie vun der zweeter Editioun war den 19. Dezember 2024 an der Philharmonie. Se gouf vun der Elsa Rauchs moderéiert. Donieft sinn och e Quatuor vun der Luxembourg Philharmonic Academy, de Bartleby Delicate, de Veda Bartringer Quartet a Them Lights opgetrueden.
D'Gewënner kruten eng Präisskulptur, déi vun der Kënschtlerin Laurie Lamborelle entworf gouf.[5]
Jury[5]
[änneren | Quelltext änneren]- Pit Brosius, Dirigent vum Nationale Jugendorchester a Professer am Conservatoire du Nord
- Vanessa Cum, Kulturcoordinatrice vun der Stad Lëtzebuerg a Presidentin vun der ASBL Fête de la musique
- Thomas Faber, alias Maz Univerze, professionelle Museker a Gewënner vun der Editioun 2022
- Marie Trussart, Redaktesch fir klassesch Musek um Radio 100,7 / Opus 100,7
- Georges Urwald, Museker, Komponist, Arrangeur a Museksprofesser.
Laureaten
[änneren | Quelltext änneren]| Kategorie | Laureat[5] | Aner Nominatiounen[6] | Präisgeld |
|---|---|---|---|
| Nationale Musekspräis | Camille Kerger | 10.000 € | |
| Lëtzebuerger Musekspräis – Op der Bün (musiques amplifiées) | Francis of Delirium
(musiques amplifiées) |
C'est Karma |
3.500 € |
| Francesco Tristano
(klassesch Musek) |
Cathy Krier |
3.500 € | |
| Pol Belardi (Jazz/blues/world) | Claire Parsons |
3.500 € | |
| Lëtzebuerger Musekspräis – Hannert der Bün | Nina Schaeffer | Charles Stoltz |
3.500 € |
| Lëtzebuerger Musekspräis – Fräizäitmusek | Hunneg-Strëpp | Koll an Aktioun Orchestre national des jeunes du Luxembourg |
2.500 € |
| Lëtzebuerger Musekspräis – Nowuesstalent | Daniel Migliosi | Ninon |
2.500 € |
Referenzen an Notten
[Quelltext änneren]- ↑ 1,0 1,1 Art. 1 aus dem Règlement des Lëtzebuerger Musekspräisser vun 2022: « En 2022 le ministère de la Culture attribue pour la première fois les Lëtzebuerger Musekspräisser qui seront remis à rythme triennal ». Firwat no 2022 schonn 2024 eng nächst Editioun organiséiert gouf, ass net bekannt.
- ↑ 2,0 2,1 2,2 gouvernement.lu: Publication des shortlists des Lëtzebuerger Musekspräisser (22. November 2022)
- ↑ 3,0 3,1 "Le Luxembourg lance deux nouveaux prix culturels nationaux." lequotidien.lu, 19.09.2022.
- ↑ (fr)Remise des Lëtzebuerger Musekspräisser 2022. mc.gouvernement.lu (22.12.2022). Gekuckt de(n) 22.12.2022.
- ↑ 5,0 5,1 5,2 (fr)Succès total pour la deuxième édition des Lëtzebuerger Musekspräisser. mcult.gouvernement.lu (20.12.2024). Gekuckt de(n) 21.12.2024.
- ↑ (de)Lëtzebuerger Musekspräisser 2024: Die Nominierungen stehen fest. Luxemburger Wort. www.wort.lu (21.12.2024). Gekuckt de(n) 21.12.2024.