radio 100,7

Vu Wikipedia
Op d'Navigatioun wiesselen Op d'Siche wiesselen


radio 100,7
Radio 100,7 Logo.svg
Typ: Ëffentlecht Etablissement
Grënnung: 27.07.1991
Sëtz: 21a Avenue John. F. Kennedy
L-1855 Lëtzebuerg
Flag of Luxembourg.svg Lëtzebuerg
Leedung: Marc Gerges (Direkter)
Laurent Loschetter (President vum Verwaltungsrot)
Branche: ëffentleche Radiosender
Um Spaweck: www.100komma7.lu

De radio 100,7 (offiziell Établissement de radiodiffusion socioculturelle) ass e lëtzebuergeschen ëffentlech-rechtleche Radiosender, deen de 27. Juli 1991 als Ëffentlecht Etablissement gegrënnt[1] an den 19. September 1993 ënner dem Numm honnert, 7 - de soziokulturelle radio fir d'éischt op Antenn gaangen ass. 2002 huet e säin Numm an de déi haiteg Form ëmgeännert.

De Sender a Lëtzebuerger Sprooch, deen op Grond vum Mediegesetz vun 1991 méiglech gouf a mam groussherzogleche Reglement vum 19. Juni 1992 seng Struktur krut[2], dediéiert de gréissten Deel vu sengem Programm der Kultur an der Informatioun, mä awer och der Ënnerhalung a Form vun engem relativ breede Museksspektrum, bei deem awer déi klassesch Musek kloer dominéiert.

Den 100,7 steet an enker Zesummenaarbecht mat nach aneren ëffentleche Radiossender an ass zanter 1997 Member vun der Unioun européenne de Radio-Télévision.

Seng Frequenz ass, nomen est omen, UKW 100,7. Am Hierscht 2015 koum eng zweet Frequenz, 95,9 MHz, derbäi, déi den Empfang am Norde vum Land verbessert[3].

Ufanks war de Radio 100,7 am RTL-Gebai um Kierchbierg, duerno an engem Gebai an der Lonkecherstrooss zu Märel. Vun 2003 u konnt een de Radio an der Avenue Monterey an der Stad fannen. Eigentlech sollt de Radio schonn 2012 an d'Avenue Kennedy um Kierchbierg plënneren[4]. De Radio 100,7 sent zanter dem 29. Juni 2013 vum Kierchbierg aus[5], en huet säi Siège awer eréischt vum 23. Oktober 2014 un op der Nummer 21a vun der Avenue John. F. Kennedy[6].

Der TNS-ILRES Plurimedia Etude 2017.I no hunn tëscht Februar 2016 a Februar 2017 (mat Ausnam vun der Summervakanz) an der Moyenne all Dag 27.200 Leit iwwer 12 Joer de Radio 100,7 gelauschtert[7].

Verwaltung vum Radio[6][änneren | Quelltext änneren]

Direktere vum 100,7[änneren | Quelltext änneren]

Datum Direkter Bemierkung
1994 - 14.08.2013 Fernand Weides ass 2013 a Pensioun gaangen[8][9]
15.08.2013 - 15.12.2018 Jean-Paul Hoffmann huet 2018 demissionéiert[10][11]
15.12.2018 - 30.06.2019 Nancy Braun Presidentin vum Transitiounskomitee bis en neien Direkter fonnt ass[12]
01.07.2019 - Marc Gerges iwwerhëlt d'Direktioun spéitstens den 1. Juli 2019[13]

Presidente vum Verwaltungsrot[änneren | Quelltext änneren]

Datum President Bemierkung
...
2004 - 2012 Pierre Gehlen
2012 - 2013 Monique Kieffer Presidentin faisant fonction
2013 - 2017 Françoise A. Poos
2017 - Laurent Loschetter Mandat bis 2022

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. Als Établissement de radiodiffusion socioculturelle ënnert der Nummer J24, den 20. Oktober 2004 am Handelsrëgester agedroen; fir d'lescht op lbr.lu gekuckt den 3. Januar 2019
  2. Règlement grand-ducal du 19 juin 1992 fixant les modalités de structure et de fonctionnement de l'établissement public créé par l'article 14 de la loi du 27 juillet 1991 sur les médias électroniques.
  3. "Neue Frequenz für 100,7." tageblatt.lu, 02. Oktober 2015 16:45; Akt: 02.10.2015 17:25.
  4. Josée Hansen, 2011. Déstabilisation à la radio 100,7. À l'usure. D'Lëtzebuerger Land vum 9. Dezember 2011, S. 5.
  5. Aus der Stad op de Kierchbierg: Radio 100,7 ass geplënnert op rtl.lu den 29. Juni 2013, fir d'lescht gekuckt den 2. Januar 2019
  6. 6,0 6,1 Ännerungen an Upassungen, sou wéi se ënnert der Nummer J24, op der Säit lbr.lu publizéiert sinn, fir d'lescht gekuckt den 3. Januar 2019
  7. Pressecommuniqué vun TNS ILRES op paperjam.lu.
  8. Josée Hansen, Deen anere Radio op rtl.lu de 26. November 2013, fir d'lescht gekuckt den 2. Januar 2019
  9. Jean-Paul Hoffmann neuer Direktor von Radio 100,7 op wort.lu den 7. Juni 2013, fir d'lescht gekuckt den 2. Januar 2019
  10. Direktor von Radio 100,7 legt Amt nieder op wort.lu den 28. September 2018, fir d'lescht gekuckt den 2. Januar 2019
  11. De Radio 100,7 muss sech en neien Direkter sichen op rtl.lu den 28. September 2018, fir d'lescht gekuckt den 2. Januar 2019
  12. Communiqué du Conseil d’administration du 100,7 op 100komma7.lu de 15. November 2018, fir d'lescht gekuckt den 2. Januar 2019
  13. Un nouveau directeur pour la radio 100,7 op 100komma7.lu den 28. Mäerz 2019