Jean-Marie Kieffer

Vu Wikipedia
Op d'Navigatioun wiesselen Op d'Siche wiesselen
Jean-Marie Kieffer
Gebuer 1960
Réimech
Nationalitéit Lëtzebuerg
Aktivitéit Komponist
Wikidata-logo-without-paddings.svg

De Jean-Marie Kieffer, gebuer 29. September 1960 zu Réimech, huet zu Köln op der Musikhochschule Schoulmusek, Tounsaz a Gesank, mam Haaptfach Uergel beim Prof. Dr. Ludger Lohmann, studéiert, an ausserdeem zu Bonn Theologie. Vun 1985 bis 2012 war hie Professer fir Musek a Relioun am Iechternacher Kolléisch. Zanter 2012 ass hien als "Professeur-chargé de mission" um Ministère de l'Education Nationale zoustänneg fir Schoulentwécklung a fir d'Koordinatioun vun de kulturellen Akivitéiten am Schoulwiesen.

Donieft war hie vun 1986 bis 2014 Titularorganist vun der Iechternacher Basilika, bis datt en am Juli 2014 dat Amt un de Paul Kayser ofgetrueden huet. Hien huet och bis 2004 bal 20 Joer laang d'Uergelklass an der Iechternacher Museksschoul geleet, bis datt en och doranner vum Paul Kayser ersat gouf.

Zanter dem Fréijoer 2012 presidéiert hien de Verwaltungsrot vum INECC Lëtzebuerg.

Donieft ass hie gefrot als Sänger, Arrangeur a Komponist:

  • als Solist an als Member vun international renomméierte Vokalensembelen huet hien a villen europäesche Stied souwéi och zu New York an a Japan gesongen. Donieft huet hien en etlech Opname fir verschidde Radio- an Tëleesstatiounen an och CD-Produktioune gemaach.
  • als Arrangeur a Komponist huet en am Laf vun der Zäit fir verschidde Verlage geschafft, an awer och fir divers Ensembelen.

Wichtegst Wierker[änneren | Quelltext änneren]

  • Ultima Ora (Eng "ballad opera", 2009) fir d'Solisten, de Chouer an d'Band aus der Communautéit vum Iechternacher Lycée. Text: D. Hoffelt an J.-C. Degrell, Musek: J.-M. Kieffer a Georges Urwald. D'Opféierunge waren, wéi och bei OraLabora a Pandora, an der Basilika zu Iechternach.
  • OraLabora (Text: J.-C. Degrell, 1998)
  • Pandora (Text: D. Hoffelt, 2004) fir Solisten, de grousse Chouer vun der Communautéit vum Iechternacher Kolléisch an d'LCE-Big Band & Friends
  • Ballo Farfallo (Text: Guy Rewenig, 2002) fir den Ensemble vocal Berdorf, Schoulkannerchouer an Orchester
  • Eechternoach (Text: J.-C. Degrell, 1999) fir den Ensemble Vocal du Luxembourg mat der Militärmusek.