Infinity (Kierchbierg)

Infinity

Land	Lëtzebuerg
Gemeng	Lëtzebuerg
Plaz	Kierchbierg
Koordinaten	49°37'11,68"N, 6°8'31,20"O

Lénks: Infinity am Bau (2019)

Infinity ass den Numm vun engem Ensembel vu Gebaier mat Geschäfter, Büroen a Wunnengen um Kierchbierg, an der Stad Lëtzebuerg. Se goufen 2017 bis 2020 no Pläng vum Bernardo Fort-Brescia (Arquitectonica) gebaut.

Mat 104 Meter ass Infinity, no den dräi Tierm vum Europäesche Geriichtshaff, dat véierthéchst Gebai zu Lëtzebuerg. D'Gebaier stinn tëscht der Avenue John F. Kennedy, der Rue du Fort-Niedergrunewald an der Rue Johannes-Kepler.

Infinity besteet aus dräi Beräicher: Am klengen Tuerm, statersäits, sinn d'Büroe vun der Affekotenetude Allen & Overy, am mëttelste Beräich si Restauranten a Butteker, an am 104 Meter héijen Wunntuerm ginn et, op 25 Stäck, 165 Appartementer.

De Bauhär war de belschen Immobilieninvestisseur Immobel.

Biller

• 
• 
• 

Kuckt och

• Héich Konstruktiounen zu Lëtzebuerg

Um Spaweck

Commons: Infinity (Luxembourg) – Biller, Videoen oder Audiodateien