Irène Nadler
| Irène Nadler | |
|---|---|
| Gebuertsnumm | Irene Helena Nadler |
| Gebuer |
20. Mäerz 1921 Lëntgen |
| Nationalitéit | Lëtzebuerg |
| Aktivitéit | Molerin |
| Member vun | Cercle artistique de Luxembourg |
 | |
D'Irene Helena (Irène) Treinen-Nadler, gebuer den 20. Februar 1921 zu Lëntgen, ass eng lëtzebuergesch Molerin.[1]
D'Irène Nadler ass d'Duechter vum Fierwer Robert Nadler an der Walburga Rettinger.[2] Hir kënschtleresch Ausbildung krut si zu Tréier an an enger Rei vun Atelieren.[3] 1946 huet si sech mam Dokter Joseph Treinen bestuet.
D'Nadler huet realistesch Landschafte gemoolt, Vuë vun Häfen an Nature-morten.[4] Si war Member vun der Kënschtlervereenegung Cercle artistique de Luxembourg (CAL), wou si vun 1946 bis 1963 bei den alljärleche Salone matgemaach huet.[1] 1955 huet si op der 3. Biennale zu São Paulo ausgestallt. De Konschtkritiker Joseph-Émile Muller huet am Katalog geschriwwen, datt si sech an änleche Sphären wéi de Klee beweegt.[5] 1966 huet si Lëtzebuerg um Salon européen des femmes-peintres zu Nanzeg vertrueden, zesumme mat der Triny Beckius, Georgette Beljon, Monique Brackel, Solange Frégnac, Thérèse Frégnac, Josée Gloden, Nina Grach-Jascinsky, Marie-Ange Heiden, Christiane Heinen, Huguette Heldenstein, Erny Heuertz, Loulou Heuertz, Valérie Kuborn, Ger Maas, Hélène Meer, Marie-Jeanne Molitor, Vanna Solofrizzo, Germaine Spiesse a Lily Unden.[6]
Kuckt och
[änneren | Quelltext änneren]Referenzen an Notten
[Quelltext änneren]- 1 2 Jos Welter, red. (1993) Rétrospective : Cent ans d'art luxembourgeois 1893-1993. Lëtzebuerg: Cercle artistique de Luxembourg / Crauthem: Lux-Print. ISBN 2-919970-24-0.
- ↑ Gebuertsschäin n° 4, 1921.
- ↑ Lambert Herr (2001) Signatures, portraits et auto-portraits : artistes plasticiens au Luxembourg. Lëtzebuerg: Éditions Saint-Paul. ISBN 2-87963-382-6. S. 236.
- ↑ Lambert Herr (1992) Anthologie des arts au Luxembourg. Lëtzebuerg: Editions Emile Borschette. ISBN 2-87982-034-0. S. 272.
- ↑ 3ª Bienal de São Paulo (1955) - Catálogo, S. 155.
- ↑ "Salon européen des femmes-peintres", Luxemburger Wort, 25. Mäerz 1966.