Triny Beckius
| Triny Beckius | |
|---|---|
| Gebuer |
22. August 1942 Mäertert |
| Gestuerwen |
11. Dezember 2023 Iechternach |
| Nationalitéit | Lëtzebuerg |
| Aktivitéit | Moler |
| Member vun | Cercle artistique de Luxembourg |
| Famill | |
| Papp | Jean-Pierre Beckius |
 | |
D'Triny Beckius, gebuer den 22. August 1942 zu Mäertert[1] a gestuerwen den 11. Dezember 2023 zu Iechternach[2] war eng Lëtzebuerger Molerin.
Hire Studium huet si an der École nationale supérieure des beaux-arts zu Paräis an op der Rijksakademie van Beeldende Kunsten zu Amsterdam gemaach.[3]
D'Triny Beckius huet ënner anerem Landschaftsbiller a Stadvuë gemoolt. Si war Member vum Cercle Artistique de Luxembourg (CAL),[4] op deem sengem Salon se 1961 eng éischt Kéier ausgestallt huet. Ë. a. 1966 hat se eng eegen Ausstellung an der Galerie Bradtké[5], Interart (1969)[6] an an der Galerie Le Cadre (1971). 1966 huet si Lëtzebuerg um Salon européen des femmes-peintres zu Nanzeg representéiert, zesumme mat der Georgette Beljon, der Monique Brackel, der Solange Frégnac, der Thérèse Frégnac, der Josée Gloden, der Nina Grach-Jascinsky, der Marie-Ange Heiden, der Christiane Heinen, der Huguette Heldenstein, der Erny Heuertz, der Loulou Heuertz, der Valérie Kuborn, der Ger Maas, der Hélène Meer, der Marie-Jeanne Molitor, der Irène Nadler, der Vanna Solofrizzo, der Germaine Spiesse an derLily Unden.[7]
1988 gouf si um Salon du CAL mam Prix mention du public ausgezeechent.[8]
D'Triny Beckius war d'Duechter vum Moler Jean-Pierre Beckius a senger Fra Gabrielle Breyer, an d'Stéifduechter vum Moler Roger Steffen.
Wierker
[änneren | Quelltext änneren]- Selbsbildnis, 1963, Ueleg op Léngent
Literatur
[änneren | Quelltext änneren]- Herr, Lambert, 1992. Beckius Triny. In: Anthologie des arts au Luxembourg. Éditions Émile Borschette. Imprimerie Linden, Lëtzebuerg, 464 S. (Cf. S. 23). ISBN 2-87982-034-0
Kuckt och
[änneren | Quelltext änneren]Um Spaweck
[änneren | Quelltext änneren]Referenzen an Notten
[Quelltext änneren]- ↑ H. Lambert, 1992. Anthologie des arts au Luxembourg.
- ↑ Doudesannonce am Luxemburger Wort vum 14. Dezember 2023, S. 28.
- ↑ Lambert Herr (2001) Signatures, portraits et auto-portraits : artistes plasticiens au Luxembourg. Luxemburg: Éditions Saint-Paul. ISBN 2-87963-382-6. p. 20.
- ↑ "BECKIUS Triny", Cercle Artistique de Luxembourg.
- ↑ Jos. Walentiny, "Triny Beckius dans la Galerie Bradtké", Luxemburger Wort, 23. November 1966
- ↑ Jos. Walentiny, "Exposition Triny Beckius à la galerie Interart", Luxemburger Wort, 14. November 1969.
- ↑ "Salon européen des femmes-peintres", Luxemburger Wort, 25 Mäerz 1966.
- ↑ Lambert Herr (1992) Anthologie des arts au Luxembourg. Luxembourg: Editions Emile Borschette. ISBN 2-87982-034-0. p. 23.