Jocelyn Bell Burnell

Jocelyn Bell Burnell
Gebuertsnumm	Susan Jocelyn Bell Burnell
Gebuer	15. Juli 1943 Belfast
Nationalitéit	Vereenegt Kinnekräich
Educatioun	Universtéit vu Glasgow
Aktivitéit	Astronom, Astrophysiker, Physiker
Member vun	National Academy of Sciences, Royal Astronomical Society, International Astronomesch Unioun, American Astronomical Society, American Philosophical Society, American Academy of Arts and Sciences, Royal Society

Diagramm, op deem d'Burnell éischt Beweiser fir e Pulsar erkannt huet. Den Diagramm ass an der Bibliothéik vun der Cambridge University ausgestallt.

D'Dame Susan Jocelyn Bell Burnell, gebuer de 15. Juli 1943 zu Belfast, Nordirland als Susan Jocelyn Bell ass eng brittesch Radioastronomin.

D'Jocelyn Bell hat op der Universitéit Glasgow studéiert an huet no hirem Diplom 1965 bei den Antony Hewish op Cambridge gewiesselt. Bei der Auswäertung vun den Date vun den 1967 fäerdeggestallte Radioteleskoparrays sinn hir e puer Signaler opgefall, déi si kosmesche Kierper zougedeelt huet, et war d'Entdeckung vum éischte Pulsar PSR B1919+21.

No hirer Hochzäit mat engem Regierungsbeamten 1968, am Joer vun hirer Promotioun, wiesselt si an de Mullard Laboratoire fir Weltraumwëssenschaft op Southampton, fir an der Géigend vun hirem Mann ze sinn. Si huet zanter 1991 d'Professur fir Physik op der Open University an England.

D'Bell Burnell gouf 1974 net beim Nobelpräis fir Physik, deen un den Anthony Hewish goung ausgezeechent, wat an der wëssenschaftlecher Ëffentlechkeet zu heftege Kontroverse gefouert huet. Am Géigesaz war si ee Joer virdrun (1973) nach zesumme mam Hewish mat der Michelson-Medail vum Franklin-Institut zu Philadelphia ausgezeechent ginn. Zanter 2003 ass si Member vun der Royal Society, an am Juni 2007 gouf si duerch d'Kinnigin Elizabeth II. als Dame Commander of the Order of the British Empire ausgezeechent an ass domat an de perséinlechen Adelsstand erhuewe ginn.

Auszeechnungen

• 1973 Michelson-Medail, Franklin Institute, Philadelphia
• 1978 J.-Robert-Oppenheimer-Memorial-Präis, Center for Theoretical Studies, Miami
• 1987 Beatrice-M.-Tinsley-Präis, American Astronomical Society
• 1989 Herschel Medail, Royal Astronomical Society, London
• 1995 Jansky Award, National Radio Astronomy Observatory
• 1999 Order of the British Empire (CBE) fir hir Verdéngschte an der Astronomie
• 2003 Member vun der Royal Society (FRS)
• 2007 Éierendokter vun der Harvard Universitéit (USA)
• 2007 Order of the British Empire (DBE) fir hir Verdéngschte an der Astronomie
• 2007 Éierendokter vun der Universitéit Durham (Groussbritannien)
• 2008 President am britteschen Institute of Physics (Groussbritannien)

Literatur

• (en) Sally Montgomery, Louise Hickey (Ill.): Irish Scientists and Inventors: Jocelyn Bell Burnell. Blackstaff Press Ltd, 1995, ISBN 0-85640-554-X
• (en) Maurice Riordan, Jocelyn Bell Burnell: Dark Matter: Poems of Space. Calouste Gulbenkian Foundation, 2008, ISBN 978-1-903080-10-8