Joséphine Welu-Scherer
| Joséphine Welu-Scherer | |
|---|---|
| Gebuertsnumm | Joséphine Scherer |
| Gebuer |
6. Dezember 1915 Bieles |
| Gestuerwen |
22. August 1997 Esch-Uelzecht |
| Nationalitéit | Lëtzebuerg |
| Aktivitéit | Resistenzler, Bäcker |
 | |
D'Joséphine Scherer bestuet Welu-Scherer, gebuer de 6. Dezember 1915 zu Bieles, a gestuerwen den 22. August 1997 zu Esch-Uelzecht[1], war eng lëtzebuergesch Geschäftsfra a Resistenzlerin.[2]
D'Joséphine Scherer ass zu Bieles opgewuess. 1938 huet si sech mam Bäcker Nicolas Welu bestuet.
An der Zäit vun der däitscher Besatzung am Zweete Weltkrich war si an hire Mann Member vun de Resistenzorganisatiounen LVL an LPL, déi geflüchte franséische Krichsgefaangenen, englesche Piloten, déi ofgeschoss goufen oder Lëtzebuerger Refractairen, gehollef hunn, iwwer d'Grenz a Frankräich ze kommen.
Nom Krich hunn déi zwee weider an hirer Bäckerei geschafft. D'Joséphine Welu-Scherer huet sech an der LSAP op kommunalem Niveau engagéiert.
Si haten zwee Kanner.
D'Gemeng Suessem huet zu Bieles eng Strooss no hir genannt.[3]
Gielercher
[änneren | Quelltext änneren]
1985: Medail vum Ordre de la Résistance
Literatur
[änneren | Quelltext änneren]- l.l.n.: "Joséphine Welu-Scherer: Sie stellte ihren Mann". In: Revue, 40. Jg., nº 13 (28.03.1985), p. 26. [Digitised by the National Library of Luxembourg].
Referenzen
[Quelltext änneren]- ↑ D'Joséphine Scherer op luxracinces.lu
- ↑ Quell, wou net anescht uginn: Rue Joséphine Welu-Scherer op rues-au-feminin.lu (nogekuckt: 03.09.2024).
- ↑ Adresses du Grand-duché de Luxembourg op geoportail.lu.