Passeur
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
E Passeur ass eng Persoun déi aner Leit, déi heemlech an illegal e Land wëlle verloossen, dee beschten an onopfällegste Wee weist an hinnen hëlleft d'Grenz ze „passéieren“. De Passeur setzt sech dobäi enger relativ grousser Gefor aus.
Passeuren zu Lëtzebuerg
[änneren | Quelltext änneren]D'Aféierung vum Reichsarbeitsdienst (RAD) a besonnesch d'Aféierung vun der Zwangsrekrutéierung hunn et mat sech bruecht datt vill Lëtzebuerger decidéiert hu virun der Naziherrschaft fortzelafen a si hu probéiert fir iwwer d'belsch oder d'franséisch Grenz ze kommen. D'Resistenzorganisatiounen hu verschidde Fluchtweeër (Filièren) organiséiert a lëtzebuergesch, franséisch a belsch Passeuren hu gehollef, méi wéi 1.100 Deserteuren a politesch Verfollegt, déi virdru falsch Pabeiere kruten, iwwer d'Grenz ze bréngen.
Nom Krich
[änneren | Quelltext änneren]Direkt no der Liberatioun haten d'Lëtzebuerger Passeuren a Filieristen d'Iddi sech an engem Veräin ze regruppéiere fir den Ekippen- a Patriotissemsgeescht, dee si wärend der Naziokkupatioun zesummegehalen huet, net ze verléieren. Et huet awer bis 1960 gedauert bis d'Union nationale des passeurs et filiéristes luxembourgeois (UPAFIL) gegrënnt gouf.
Erënnerungen un d'Passeursaktivitéiten
[änneren | Quelltext änneren]- Zu Lëtzebuerg
- Sentier Albert Ungeheuer Zowaascherstrooss zu Déifferdeng
- Sentier des passeurs (Ëlwen)
- Passeurs-Monument Esch-Uelzecht
- Monument national de l'évasion Place de la Résistance zu Déifferdeng.
- Borne du Passeur Nieft der Kierch zu Péiteng.
- Monument fir de Passeur Aloyse Kremer a seng Mamm zu Biwesch.
- A Frankräich
- Monument des Passeurs (Réisseng) zu Réisseng beim Kierfecht
- Monument des évadés de guerre et des passeurs zu Raon-sur-Plaine um Wee fir op den Donon (Departement Vosges)
- Passeursmonument zu Novéant-sur-Moselle
- Passeursmonument zu Pont-à-Mousson
- Passeursmonument zu Bertrambois